مناحي أبو شعرتين (( أوفي مع صاحبي ولو طالت السيره ))

[مناحي الشهراني]

يا مل قلب عروقه دمها فاير = من لاهب بالحشاء ولع دوافيره
من سمع علم وقال ما هو بصاير = ماعاد لي به يشاورني ولا اشيره
لا تأمن الوقت ترى حبل الدهر داير = تمسي نفوس أكبار وتصبح اصغيره
الوقت محالته من فوقها واير = ومن لا يفتح اعيونه طاح في بيره
ونظارة العين ما تمنع من العاير = كل بياخذ نصيبه شره وخيره
فلا واهنيك يخف الريش يا طاير = تمسي لك أبديره وتصبح لك بديره
وأنا بوسط المدينه والقدم حاير = مالي جناحين مثلك يالله الخيره
أفرح لمن أنست بوري موتر الزاير = من وجدي أجود وأعطي الضيف تقديره
والباير أقول له مسموح يا باير = وأحماه وان جاء مجاله ساقني غيره
وان قالوا الناس وش بك قلت أنا غاير = أوفي مع صاحبي لو طالت السيره

[سعيد الخذامي]

صح إلسانك وبيض الله وجهك

وصح الله إلسان الشاعر مناحي بو شعرتين

ألف شكر لك

وننتظر المزيد

والله يحفظك ويرعاك

[فم الدرب]

بيض الله وجهك وصح لسان ابومحمد على هذه الرائعه ولاهنت

[بدوية]

فلا واهنيك يخف الريـش يـا طايـر
.........................تمسي لك أبديره وتصبح لـك بديـره
وأنا بوسـط المدينـه والقـدم حايـر
.........................مالـي جناحيـن مثلـك يالله الخيـره
أفرح لمن أنست بوري موتـر الزايـر
..................من وجدي أجود وأعطي الضيف تقديره

تعبير ..غاية في الدقة والصدق
صح الساااان الشااااعر : مناحي
وتسلم يمناااااك
يا مناحي

[مناحي الشهراني]

الله يعطيكم العافية على المرور ومشكورين على تعطيركم للقصيده والقصد من هذا استمتاعكم .,,,

[هادي بن مسعر]

في ذمتي ان شاعر كبير لكن مظلوم اعلاميا ..



صح لسانك يابو شعرتين ..


وابيض وجه يامناحي ..

[عـلــيــاء]

صح الله لسانك عز الله انك ابديت و وفيت ولا قصرت الله يعطيك العافيه ولا ابتخيرلي بيت والله ان كلها جايزتلي الله يسلمك .

[محمد بن غنام]

صح لسانك
لا تأمن الوقت ترى حبل الدهر دايـر
تمسي نفوس أكبار وتصبـح اصغيـره

[سلطان ابن العلا]

صح لسان ابومحمد والله لايهينك على النقل

[النازي]

صح لسانك ؛

[النازي]

صح لساااااااانك

[النازي]

والله شاعر

[الـعـنـيـد]

تسلم يمينك وصح لسانك ملااااااايين

[ناصر الكودي]

بيض الله وجهك يالخذامي اشهد انك كفو ماقصرت

[هواي البر]

صح لسانك صح لسانك صح لسانك

قصيده نايفه وبالمعاني جزله

لاهنت جميع

[شجون]

بوشعرتين .. درر قصيده ..

لكن الاعلام ظلمه واااااااااااجد ..