قصيدة للشاعر مناحي أبو شعرتين في سعادة اللواء /ابن جلبان

[مناحي الشهراني]

يالله ياللي ما بعد خاب سايله = يا سامعٍ الصوت من راس قايله
يا ربي ورب المخاليق كلها = تشفي عليلٍ ما تداوى علايله
سلام يا شيخٍ سمعنا بسمعته = بوخالد اللي تفتخر به قبايله
الشيخ بن جلبان منصى الركايب = لا وصله الطرقي و حلّت رحايله
مقدم بني عمٍ تنومس فعولهم = دعوى البجادي نايل الطيب نايله
قلته وحنّا كلنا من قبيله = قيف اشهران اللي خذا كل طايله
يالشيخ بن جليان يا حضرة اللواء = حي الحصيل وحي منهي حصايله
مدير شرطة عاصمتنا الحبيبة = الله يعزه مخلص في عمايله
ما جيت زاير غير ناوي بجيّته = ودي بعرفه طولّ الله مهايله
والله رب البيت عالم بنيتي = إني من الديرة على طول جايله
بو خالد يا فزعتي يا سنايدي = جيتك وحملي فوق الأمتان شايله
أدور العرّاف وأحب شورهم = وأجنب العذّال وأترك عذايله
حدتني الدنيا على غير ودّي = إبن آدم مسيّر و الأرواح زايله
أشوف عين العزّ فيها مذّله = من حدته دنياه ضاعت صمايله
لولا رجا الله ثم فزعة سنافي = شفت النجوم اللي يقولون قايله
والله ما انصى غير شيخٍ مجرب = ما كل براقٍ نشوفه نخايله
زبنت بيت اللي يزبّن دخيله = والله يعزّ اللي يزبّن دخايله
الطيّب أرزاقه تعم القبايل = واللاش رزقه ما يكفّي عوايله
يا كم عرفت الناس قاصي وداني = لقيت خلقٍ ما تشابه فصايله
جمايل الرجال لا تعب فيها = الله يلعن من يضيّع جمايله
وتمت وصلى الله وسلّم على النبي = حساب ما نبت الورق في مسايله

[محمد الحنيفي]

ونعم المادح ونعم الممدوح

سلمت يمنك على النقــل

ولاعدمتك يا ابو علــي

تقــبــل مـــروري

[مناحي الشهراني]

ارحب مليون يا بو فلاح والله يعطيك العافية على المرور

[راسي الحرقي]

ونعم الرجال مادح وممدوح

[مــشــعــل]

لا هنت والله يعطيك العافية

[طيف]

صح لسانك ونعم بالجميع ولاهنت