ابن بريه الحسيني
12 / 06 / 2007, 10 : 01 PM
يقول ابو محمد
يالله يامن كلش بامر ماشيت=انك على درب القدى ثبت خطاي
ياللي على كرسي عرشك تعاليت=ياعالم حالي وغيبي ومعناي
البارحه قمت وجلست وتراكيت= وخذيت لي سجه وانا فوق مركاي
وطرى على قلبي طواري وفزيت=ورديت بايدي للقلم وسط مخباي
وكتبت من زين المثايل ونقيت=وخذيت مثل اللي خذوا الناس مسواي
اشتقت للطاروق واشتقت للبيت=واشتقت اقدم للمناعير دعواي
صبرت في مقدم حياتي وعانيت=واليوم لاوالله بانت خفاياي
صبرت صبر شتت الفكر تشتيت=ما عاد اميز ويش صيفي من شتاي
لا ضاق صدري للبديوي تمشيت=لكن وهقني معه بعض خوياي
سيارة ماطورها ينثر الزيت=ودفيتها حتى بغت تقطع شواي
فياموتري ليتك تريحت وامسيت=اوقلت لي لارحت بك ماني بجاي
فليتك بعد في روحتك كان ما جيت=ولاتحسب ان جيتك ذالحين برضاي
فيسقي على عيني ليا منك وليت=وجا موتر غيرك على غاية مناي
فودي بجمس احمر رفرف ونيت=لامني سريت الليل طولت مسراي
يوسع الخاطر ليا من تهقويت=ماهو بمثلك خردة كنه كساي
لاشفت شكلك جض قلبي وفزيت=وانت السبب في علتي منت بدواي
رد العراوي يقول:
يا مناحي المنعور وش بك تحاكيت=مادام ودك بالحكي فاسمع حكاي
اتعبتني وان جيت بارتاح عييت=ماعاد لي علم ولا عاد لي راي
من حيد ماتبغيني احن حنيت=لكن ماتدري بزيتي ولا ماي
زبنت شيخ القوم والله ما اخطيت=لعل شيخ القوم يدري بشكواي
مدري علامك من خويك تبريت=خاويتني على عطالي وممشاي
ماهمك الا اللي بجنبك على الصيت=سريت به وانا تبي تقطع رشاي
يالله يامن كلش بامر ماشيت=انك على درب القدى ثبت خطاي
ياللي على كرسي عرشك تعاليت=ياعالم حالي وغيبي ومعناي
البارحه قمت وجلست وتراكيت= وخذيت لي سجه وانا فوق مركاي
وطرى على قلبي طواري وفزيت=ورديت بايدي للقلم وسط مخباي
وكتبت من زين المثايل ونقيت=وخذيت مثل اللي خذوا الناس مسواي
اشتقت للطاروق واشتقت للبيت=واشتقت اقدم للمناعير دعواي
صبرت في مقدم حياتي وعانيت=واليوم لاوالله بانت خفاياي
صبرت صبر شتت الفكر تشتيت=ما عاد اميز ويش صيفي من شتاي
لا ضاق صدري للبديوي تمشيت=لكن وهقني معه بعض خوياي
سيارة ماطورها ينثر الزيت=ودفيتها حتى بغت تقطع شواي
فياموتري ليتك تريحت وامسيت=اوقلت لي لارحت بك ماني بجاي
فليتك بعد في روحتك كان ما جيت=ولاتحسب ان جيتك ذالحين برضاي
فيسقي على عيني ليا منك وليت=وجا موتر غيرك على غاية مناي
فودي بجمس احمر رفرف ونيت=لامني سريت الليل طولت مسراي
يوسع الخاطر ليا من تهقويت=ماهو بمثلك خردة كنه كساي
لاشفت شكلك جض قلبي وفزيت=وانت السبب في علتي منت بدواي
رد العراوي يقول:
يا مناحي المنعور وش بك تحاكيت=مادام ودك بالحكي فاسمع حكاي
اتعبتني وان جيت بارتاح عييت=ماعاد لي علم ولا عاد لي راي
من حيد ماتبغيني احن حنيت=لكن ماتدري بزيتي ولا ماي
زبنت شيخ القوم والله ما اخطيت=لعل شيخ القوم يدري بشكواي
مدري علامك من خويك تبريت=خاويتني على عطالي وممشاي
ماهمك الا اللي بجنبك على الصيت=سريت به وانا تبي تقطع رشاي