حرف اليا مدبل اهدا للمتذوقين**************************

[الــــهـــــوبــــانــــي]

الله حسيبي على اللي ينجح كويي=بالهجر والصد والتلويع والفرقا
خلٍ تصلف وهوقد كان متهيي=وخلاني العي واحاوب ونة الورقا
يحبني ويتغلى واشعل ضويي=ويحرقني اليا تغلا بالشفق حرقا
يوعدني بشوفته وان جيته يعيي=وعود على ميسمٍ مركيه ثم عرقا
مايدري انه منى قلبي بعد حيي=وغالي وله عن جميع اغلاتنا فرقا
الغاوي اللي تصادف غيه وغيي=في حزةٍ والخلايق فالكرى غرقا
رعاد نوه يحن لبارق نويي=وتمطر لقا والعيون بدمعها شرقا
لا يابعد عزوتي حاشا امي وبيي=ارفق بقلبٍ سرقته بالغلا سرقا
يانور عيني وياشوفي وياضيي=ارحم دريكٍ غلاك بخافقه يرقا
ياضل حبي بضلك صرت متفيي=وانا لك ضلال يابو شامةٍ زرقا
زيك فلا القى ولا تلقى بعدزيي=ادخل على بوك وامك جنب الفرقا

[بنت الرياض]

لا يابعد عزوتي حاشا امي وبيي
ارفق بقلبٍ سرقته بالغـلا سرقـا
يانور عيني وياشوفي وياضيـي
ارحم دريكٍ غلاك بخافقـه يرقـا


صح الله لسانك

قصيده رايعه وجميله

وتسلم يمناك

[الــــهـــــوبــــانــــي]

يازين انا وشلون ابهدا واباروق=مادام شوفك شي ماهوب حاصل
ماتدري ان دمي من البعد محروق=وعقلي من التفكير ياترف فاصل
مغير امني النفس واشتاق واتوق=وامل عسى فالمقبلات انتواصل
ياقمةالاحساس والصدق والذوق=يابو حصانة دبلماسي قناصل
عذبتني بالحب والخوف والشوق=لاانته بهاجرني ولاانته بواصل
والناس قالت كل مطرود ملحوق=بس البلا الايام قامت تناصل
ويازين لك حقٍ ولي عدة حقوق=وترا مقاسيم الليالي حواصل
هذا وانا لاضقت غنيت طاروق=الحق قبل تنشر قصيدي فواصلهذه القصيده اهدا لكي يابنت الرياض وللمنتدى
واشكرك من قلبي على اهتمامك بشعري وما اقوم بطرحه وياهلا

[بندر الغمري]

الغاوي اللي تصادف غيه وغيـي
في حزةٍ والخلايق فالكرى غرقـا
رعاد نوه يحـن لبـارق نويـي
وتمطر لقا والعيون بدمعها شرقا


الله يرحم شيبانك ولاهنت

[الــــهـــــوبــــانــــي]

شكرا لك يالغالي
اسعدني مرورك

[حمد بن عثمان]

صح الله السانك قصيد جزله

لكن يبدو ان هناك خطأ في الطباعه البيت الثاني ( واحاوب ) اتوقع واجاوب الورقى


تقبل مروري لك خالص التحايا

[الــــهـــــوبــــانــــي]

شكرا لك يالغالي
اسعدني مرورك
نعم نعم هو ذاك اجاوب ولك مني التحيه

[رفـــيــع الـشـــان]

لاهنت يالهوباني


امتعتنا بقصيدك المتميز

[بن رفيع الرمثي]

أشهد بالله إنك أبدعت

صح لسانك ملايييييييييييييين
وبيض الله وجهك

تحياتي لك

أخوك / بن رفيع

[سالم الشهراني]

لا يابعد عزوتي حاشا امي وبيي
ارفق بقلبٍ سرقته بالغـلا سرقـا
يانور عيني وياشوفي وياضيـي
ارحم دريكٍ غلاك بخافقـه يرقـا
.
.
.
يعطيك1000 عافية
أخوكsalem

[محمد بن فضله]

لا هنت قصيدة جميله

لاهنت

[موتي ولا دمعة امي]

ابو على وين القصايد هذي عنا
ابدعت وابيض وجه

[بــن مــســعــر]

لاهنت

الهوباني

اعجابي بك متواصل فواصل الابداع والعطاء

[الواهبي]

الله الله منت بسهل يالهوباني

صح لسانك وعلا شانك

عليها وامدحك

الله يوفقك وننتظر جديدك

ابو سياف

[الــــهـــــوبــــانــــي]

طير شلوى
ابن رفيع
سالم الشهراني
محمد الواهبي
موتي ولادمعة امي
ابن مسعر
الواهبي
ارحبو ملاين اسعدني مروركم
وووووولالالالالالاهنتوووووووووووو