تاسال عن معنى الصاخر

[الــــهـــــوبــــانــــي]

ياترف انا للقوافي شاعرٍ صاخر=اصخر القاف لو صعبت قوافيه
اصخره بس فيك يصير متفاخر=ويزمر على كل شعري في معانيه
وكل بيتٍ جديد بما سبق ساخر=وقامت تسابق على وصفك بجديه
الين فكري صرف ماكان له ذاخر=في وصف ترفٍ تميز بالرفاهيه
مغريه جمر وبرد مافاح متباخر=في ثغرك الثلج قاوم حر لاضيه
ثغرٍ بشهد الخلايا الذايبه زاخر=لله درك حبيبي عطني اشويه
يامالك الحسن كله اول واخر=ورثة يوسف عسى ماتنكتب سيه
يادري الغالي المكنون والفاخر=وياغلا واحلا الجواهر عند قانيه
للشعر اوجه وفيك يصير وجه اخر=وجهٍ به الذوق والتمييز ماريه
ياغاليٍ فيك غنى الشاعر الصاخر =قصيدةٍ غاليه لعيون غاليه

[ابن بريه الحسيني]

صح لسانك يالصاخر

[بنت الرياض]

ياغاليٍ فيك غنى الشاعر الصاخر
قصيـدةٍ غاليـه لعيـون غاليـه

صح الله لسانك

وتقبل تحياتي

[الــــهـــــوبــــانــــي]

اخوي المتن ارحب وصح بدنك

[الــــهـــــوبــــانــــي]

بنت الرياض اسعدني مرورك

[بندر الغمري]

والله إنك مبدع , وإن شاء الله أحاورك قريب

[رفـــيــع الـشـــان]

بيض الله وجهك يالصاخر


مبدع بلا حدود

[موتي ولا دمعة امي]

اشهد بالله انك الصاخر
سجل اعجابي يالغالي

[الــــهـــــوبــــانــــي]

لكم احترامي ولاهنتو
ولك يالغمري ماطلبت

[النايف]

الهوباني ::؛
أو الصاخر ::؛



والله ما ادري أسجل اعجابي بالقصيدة ,,,
أم ....... بتوقيعك .....!!!

كلاهما أحلا من الاخر ...!
مبدع و رب الصاخر انك مبدع .

[الــــهـــــوبــــانــــي]

الهوباني ::؛
أو الصاخر ::؛
والله ما ادري أسجل اعجابي بالقصيدة ,,,
أم ....... بتوقيعك .....!!!
كلاهما أحلا من الاخر ...!
مبدع و رب الصاخر انك مبدع .
اخوي العزيز النايف تواجدك وردودك تبشر بان الشعر باقي بخير وله متذوقينه
واشكر مرورك وتواجدك