قريبآ

قريبآ

قريبآ

        

IP


الإهداءات


 
 
آخر 10 مشاركات وفاة والدة الأستاذ ظافر الناهسي (الكاتـب : سعيد الخذامي - آخر مشاركة : سعد ضرمان - مشاركات : 1 - المشاهدات : 38 - الوقت: 05 : 08 PM - التاريخ: 08 / 11 / 2014)       ياحبني لشهران (الكاتـب : معجب الشهراني - آخر مشاركة : ظافر الشهراني - مشاركات : 2 - المشاهدات : 85 - الوقت: 47 : 03 PM - التاريخ: 30 / 10 / 2014)       كلمات في حق رجل يستحق التقدير والاحترام . (الكاتـب : ابو سلمان - آخر مشاركة : العابر الجنوبي - مشاركات : 6 - المشاهدات : 315 - الوقت: 20 : 08 PM - التاريخ: 29 / 10 / 2014)       قصيدة الشاعر عبدالله محمد بن عون الواهبي بملتقى بني واهب بتبوك (الكاتـب : فهد بن عون الحسيني - آخر مشاركة : سعيد الخذامي - مشاركات : 1 - المشاهدات : 89 - الوقت: 54 : 04 PM - التاريخ: 28 / 10 / 2014)       هذي للي يحبون الخميس (الكاتـب : معجب الشهراني - آخر مشاركة : سعيد الخذامي - مشاركات : 1 - المشاهدات : 68 - الوقت: 48 : 04 PM - التاريخ: 28 / 10 / 2014)       قصيده مهداه من الشاعر/عبدالله محمدبن عون الواهبي الى الشيخ /ناصربن سعيد بالعلا (الكاتـب : فهد بن عون الحسيني - آخر مشاركة : فهد بن عون الحسيني - مشاركات : 4 - المشاهدات : 220 - الوقت: 39 : 03 PM - التاريخ: 28 / 10 / 2014)       مقتل شاب في محافظة بيشة (الكاتـب : سعيد الخذامي - آخر مشاركة : سعيد الخذامي - مشاركات : 0 - المشاهدات : 78 - الوقت: 32 : 09 PM - التاريخ: 27 / 10 / 2014)       الله من قـلـبٍ اهـجـوسه اطرقـته (الكاتـب : مساعد الجليدي - آخر مشاركة : مساعد الجليدي - مشاركات : 3 - المشاهدات : 116 - الوقت: 50 : 10 PM - التاريخ: 26 / 10 / 2014)       واقع بعض الكتَّاب والمثقفين العرب أصلحهم الله.... (الكاتـب : موسى بن حزام - آخر مشاركة : العابر الجنوبي - مشاركات : 2 - المشاهدات : 86 - الوقت: 54 : 07 PM - التاريخ: 26 / 10 / 2014)       ثلاثة أعمال لا تدخل الموازين يوم القيامة لعظمها (الكاتـب : سعيد بن سيف الشهراني - آخر مشاركة : الود طبعي - مشاركات : 2 - المشاهدات : 78 - الوقت: 50 : 12 AM - التاريخ: 26 / 10 / 2014)      
مختارات      <->     الكذاب : لص ، لأن اللص يسرق مالك ، والكذاب يسرق عقلك      <->     
العودة   مجالس شهران العريضة > °¨¨™¤¦ المجالس الأدبية¦¤™¨¨° > مجلـس الشعر النبطي
 
 

إضافة رد
 
 
 
أدوات الموضوع
قديم 23 / 03 / 2009, 15 : 06 PM   #1
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

ديوان الشاعر الكبير: عبدالله بن زويبن الحربي

السلام عليكم ورحمة الله وبركاته


م\ص شعر وطهر ونقاء








كتب في الحكمة فجاءت ابياته درر ذهبية ... وكتب في المدح فتباهى المستمعون قبل المعنيين بالامر ... كتب في الغزل

فتغنى العشاق بقصائده المليئة بأحاسيس المحب ..كتب في الرثاء فبكت الحروف قبل المدامع ....


هو عبدالله بن زويبن بن بطي من المعامرة من بني عمر من حرب .. واحد من اهم شعراء المملكة ومنطقة الخليج ...

ورث الشعر من والده الشيخ زويبن بن بطي المعمري ( رحمه الله تعالى ) وصقل موهبته الشعرية من خلال مجالسته لكبار

الشعراء وهو لم يبلغ الخامسة عشر من عمره ... كتب بعض القصائد التي لم تر النور كماهو حال كثير من الشعراء الذين

يترددون في نشر قصائدهم الاولى ..

( عبدالله بن زويبن ) ولاتضع نقطه . . !!
بحر من الابداع يفوق التخيُل . . !!
ولد وولد الشعر معه . .
الأبداع ماركة مسجلة لهذا الداهية . . أترككم مع أعذب قصائده التي نقشها كما يقول ( من ذهب ) . . فجاءت من عيار 21 :
.
.






الشعـر بعنـا بسوقـه وأشترينابـه
ماهـو جديـد ٍ علينـا ورث جديـه

حطيت لـي رايـة ٍ تومـي بمرقابـه
أطول من اللي شمال طويـق مبنيـه

المدح والنصح لي باع ٍ مع أصحابـه
وإن جاء مجال الغزل عندي غزليـه

قصايد ٍ من سمعهـا نالـت إعجابـه
مصنوعة من ذهـب ماهـي بمطليـه

أطـب سـوق الجواهـر وأتنقـابـه
وأخفف الوصـف ماحـب الأباحيـه

والحـب مافيـه عـرق ٍ ماتساقابـه
مافيه غصن ٍ عروقه بالثـرى حيـه

ماهزه الريـح وأقبـل فيـه وأقفابـه
معروف حتـى علـى دور الهلاليـه

الحـب دقيـت زره وأنفتـح بـابـه
من غير شوق ٍ يسوق أقدام رجليـه

ولقيت لي حارس ٍ من جـاه هلابـه
مدري وش ديانته ومن أي جنسيـه

قلت الهوى وش تشوف ووش تورابه
فكر وعطني عن الموضـوع خلفيـه


كانه مسمى يشـرف مـن تسمابـه
ياهل ترى من تكـون لـه الأحقيـه

قال الهوى كارثه يرثى لمـن صابـه
آلام متعـدده . . وضغـوط نفسيـه

لكن حسب رأيي إن الشاعر أولابـه
قلت أكتب أسمي مع الناس الهواويـه


أبتفاخـر مــن أول واتضاهـابـه
ولقيت لي ( قاطع ٍ ) مافيـه ماويـه

بيديه رمح ٍ يشق الصـدر مضرابـه
حطت شباته بوسـط القلـب حفريـه

موت الدجيما ماكنت أصـدق أسبابـه
يالين شلفـا خصيمـه وَقعـت فيـه

يابو خـدود ٍ سـواة الـورد جذابـه
وإلا زهور الربيـع بوسـط محميـه

ماأحد ٍ رعـى نبتهـا وإلا تمشابـه
ماهزهـا غيـر نسنـاس الشماليـه

من دونها اللي يهابه مـن تهقوابـه
عوازل ٍ شايكه . . وجيـوب دوريـه

ويابو جبين ٍ ليا أمسى الليل يسرابـه
ألليا أتجه للقمر غطـى علـى ضيـه

وياعود موز ٍ ليا هب الهـواء جابـه
مـع إتجـاه الريـاح يميـل فوقيـه

ويابو شعور ٍ على الأمتـان منسابـه
تشع مثـل الشعـاع بداخـل الفيـه

ليا تخلخل خلول ٍ مـع شجـر غابـه
والشمس وقت الشتا ماهي عموديـه

حبك من العام هـز القلـب وأدوابـه
دواية اللي شلع مـن فـوق كرسيـه

من يوم طيّر وصقاره على أعصابـه
يمكنّهـا روحـة مابعـدهـا جـيـه

خصص وركز وفل الريش وأومابـه
واقفى ورى صيدة ٍ حـذره ومرميـه

بين السماء والوطى تنـزل وترقابـه
قبل المسا شرقـت والريـح غربيـه

إقتل صويـب المحبـة وش تحرابـه
لاصار مامنك حسنه . . عجل السيـه

والحكم غصب ٍ على المحكوم يرضابه
لـو أنهـا سنـة ٍ ماهـي بشرعيـة

الأمر كله وحـد السيـف وإنصابـه
بيديك . . ماعاد هو الحيـن بيديـه



القصيده الثانيه قصيدة في الحكمة يسندها على ابنه بدر :

ياعزوتي يابدر مااقرب حضايبـك
على الخطا والصبح حبك نقـازي

نوب تنسينا الشقا فـي عجايبـك
ونـوب تولعهـا بليفـة وقـازي

ادناة مايرضيك وأدناة مااغضبـك
تلقط الغلطات لقـط الجهـازي

ماهي عداوة يوم اطالبك واضربك
أنته حفيد جدودنا ماانـت نـازي

لاشك انا يابدر ابنصحك وادبـك
واعطيك عن كل المعاني أجـازي


تلقى فوايدها ليـا خـط شاربـك
بها على كل الوصايـا أمتيـازي

خلك شمالي عنـد زلـة قرايبـك
وعلى الحقوق الليا نصنك حجازي

لاتذخر المذخور من دون واجبـك
اوف الحقوق اللازمات بنجـازي

للضيف والجيران ليّـن جوانبـك
وبالطيب جاز وبالردى لاتجـازي




احلم على زل رفيقـك وصاحبـك
ادمح خطاهم لاتصيـر انتهـازي

يابـدر والله ماتخونـك مناسبـك
لك منسب طيب وساس عـزازي

أفرح ليا قالوا هاك العود جاذبـك
يصير عندي مفخرة واعتـزازي


وهذه قصيدة اخرى مليئة بالاوصاف الجميلة :

سقوا سقى الله من مطر كل ناشـي
ربعٍ لهم في منبـت القفـر مغبـاش

يتلون درب اللـي لبرقـه تواشـي
كثحه على حد السمـا تقـل لطـاش

كم مـرة بيـن السفـر والغطاشـي
دكوا على جول المها منه وأنحـاش

وبنوا به اللي مثل روس الدشاشـي
مثل القور ماهن هداريس وعشـاش

لاشافها الجيعـان جـاك متحاشـي
يقلط على بيض المناسف والاكبـاش

وصفر من الصالي لهـن اجتواشـي
يصوك ريح ابهارهن كـل ماغـاش

والتمر والمركـا ودمـث الفراشـي
زل ٍ برومـا لـه مـوزع ونقـاش

ماحسبـوا تـال الشهـر للمعاشـي
ولاسعروا حمل البواخر على الطاش

بالسوق عملتهم ماغيـر المواشـي
اللي من اللي ينبت الغيـث تعتـاش

وإن جـاء بلدهـم زاد ولا قماشـي
وسمعوا ووافاهم بالاخبـار طـراش

ودوا لسوق البيـع فاطـر وحاشـي
والمندرج بالسوق من باق الادبـاش

والطيب سعره صعـب ماهوبلاشـي
فازوبه اللي يدفعـون الثمـن كـاش

ماجاب غيب قلوبهـم كـل واشـي
بين القبايل ذكرهم يدهـش ادهـاش

مافض مجلسهـم خطـاة الدفاشـي
اللي يتوع بكلمـة تصطـح الجـاش

همـاز لمـاز هـبـود اريـاشـي
سبـاب نمـام مـراوغ وهــلاش

الليا نصحتـه زاد شـره وطاشـي
انحل امانه وانفـرط تقـل رشـاش

ينبش جثث ناس بها الـدود ماشـي
وسط اللحود اللي توحـش توحـاش

حـرااام فيهـا مايجـوز النقاشـي
جنايز حـدر الثـرى كيـف تنـاش

كـل العلـوم الطيبـة فـي تلاشـي
تمضحلت واللي بقي ( طاش ماطاش)


وهذه قصيدة غزلية :

إن كان تنشد عن علومي وأنا صبي

ابتذكرها واعلمك عنها


لو هي بصفحات ٍ طواها الزمن طي

جرة مطر جاها عجاج ودفنها



ألعب طواريق الهوى مع هل الغي


اثقل المعنى واخفف لحنها



والشعر يبقى في قلوب العرب حي


ولا كل من سوى القصيدة تكنها



وأنا حداها حدي الاصعاب بعصي


واقودها قود الاديب برسنها



والحب مردوده على صاحبه سي


كم ضحكة ونَات قلبي ثمنها



أذكر سنة تسعه وتسعين هجري


الف وثلاثمية بداية زمنها



زلت بي الاقدام للشمس من فيَ


اقدار والاقدار تومر وتنهى ّّ



غافل وجتني من كوت خافقي كي


كية عطب لولا طبيب مكنها



أبعدت مضربها عن الصدر بيدي


ولدَت على كبدي برمح طعنها



وعرفت ماتخفيه في صدرها لي


من واقع النظرات مني ومنها



نظرت فيها مثل نظراتها في


وعجزت اقاومها وصديت عنها



كل النساء ظلماء وهي بينهن ضي


غطت شعاع الشمس أشعة بدنها



من الذهب تلبس خلاخيل وحلي


سود محاجرها وحمر وجنها



مدري تسمى من ومنين ومن أي


وش هي قبيلتها وموقع سكنها



راحت وانا مااعرف من اخبارها شي


الا رموز الموتر اللي حضنها



مدينة من بين ابو ظبي ودبي


لعلها كاننها هي وطنها



تمطر عليها السحب هذي ورى ذي


وديم الليا قفى تراها ودنها




الرجاء عدم الرد حتى الانتهاء من الديوان

فجر* غير متصل   رد مع اقتباس
قديم 23 / 03 / 2009, 41 : 06 PM   #2
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

الله من قلـب الليـا منـه ادلـج
لو هو بجو فيـه للنـاس صجـه

يدوي مثل مايدوي الطير بالعـج
مع خايع ماينـدرى ويـن فجـه

ماينتبه للـي ينـادي ليـا سـج
والليا انتبه كن الشباري تخجـه

لابد من يـوم بـه الهـم يفـرج
عن كل عين بالسهـر مستلجـه

الله على اللي تو رقمـه يبرمـج
ماصار فيه من المطانيـج رجـه

اسرع من الزورق الليا منه امرج
واسبق من اللي بالاشعه يوجـه

جمس الليا قامت قزوزه تواهـج
ضاعن عريضات الرفارف بعجـه

من نقرة العارض يفج القور فـج
ويخلي الشملـول بيـن الاحجـه

خدٍ تحت مـزن بروقـه تلاعـج
نبته من الوسمي غصونه من اجه

لومابها الا الذيب والطير الابلـج
ناخذ بها عن ضيقة الصدر سجه

عن مجمع به راعي الحق يفلـج
بعض البشر فرقاااه عمره وحجه

العد تنفـاه الضوامـي الليـا رج
والمـر تنكـاه الكبـود وتزجـه

وابداع اخر:

ابا اتوجد وجد من ضـاع لـه شـف
مـع لابـةٍ ساقـوا ضعنهـم وقفـى


يخيلهـم ليـن ان مظهورهـم هـف
بالمرتفـع ودمـوع عينـه تكـفـى


حالـت ضغاينهـم ورى بــارقٍ رف
أحيا الوطـن وأيبـس كبـود الأعفـا


و أخذ ثلاث سنين والدمع مـا جـف
ينضح نضيـح عيـون بيـرٍ ترفـى


من بعدهـم مثـل الاسيـر المكتـف
لين انتهـت فتـرة حسابـه وصفـى


و ركب على عوصا تكف النظاء كـف
فجـا عضـود وسبتهـا مـا تحفـى


عمليـةٍ مـا مثلهـا موميـة خــف
طويلـة المقـدم عريـضـة مقـفـى


ويوم ان خامس خمس الأيـام طـرف
أرهـى بممساهـم وطيـب الملـفـى


و قـدام ينشـد ناطحـوه المـزهـف
وقالوا : ترى مضنون عينـك توفـى


أو وجد من عدى بطفٍ علـى طـف
طـورٍ ورى طـورٍ بعالـيـه شـفـا


و الجيش عقبه شاف له شوف وأختف
قـومٍ زعاعـة فـوق جيـشٍٍ معفـى


راحوا وهو يصفق بكفٍ علـى كـف
و من الضمـا بيـن العـدام ايتهفـى


اللوم والسوداء لهـم فـرش ولحـف
فـرشٍ تفرشهـم ولحـفٍ تضـفـى


عليـك ياللـي فيـك عبلـة توصـف
نيـران حبـك بالحشـى مـا تطفـى


ياللـي كلامـك در عـربٍ تعـاطـف
بالمربعانـيـة وكـنـه مـدفـى !!!


تليتـنـي تـلـة مـهـارٍ تعـسـف
وبيحت سـدي ليـن بـان المخفـى


أنا دخيلك عـف عنـي وأنـا أعـف
ترى العذاب اللي حصـل منـه كفـى

قصيدة تشره مابها شجب وستنكار
أرسل بن زويبن قصيدة طيبة إلى اللشاعر علي بن ربح السبيعي ورد السبيعي بقصيدة جيدة لاكن السبيعي فهم بعض معاني بن زويبن بشكل غلط وصار عنده شك
وعندما قرأ بن زويبن رد السبيعي أردف بقصيدة ثانية تعقيبا على رد السبيعي

فيقول بن زويبن

عسى الله ينجيني من المدفـع اللـي ثـار
بعيد المدى اللـي كـل الأهـداف يعطبهـا


يخـوف ويرعـب كـل ماثـار ياسـتـار
يهـد المبانـي والـرواسـي يشطبـهـا


حديث المديـل اللـي علـى كهربـا وزار
عسى الله يعيـن القـوة اللـي يحاربهـا


رماني وجاني من سهومه مطـر وغبـار
ولغـات المدافـع بالصواريـخ أخاطبهـا


ألا ياهـلا يامرحبـا والكـبـار صـغـار
وتـرى النـاس تهديـد العـدا مايهيبهـا


عزمنا على عسـف النظـا نسـع الأزوار
وجزمنا على مس الكتـب فـي غواربهـا


وكربنا الأشدة فوقهن في حقـب وحضـار
ونسفنـا مواركهـا وشلـنـا مزاهبـهـا


ونوينـا علـى رد النقـا للعميـل جهـار
على شـان صعبـات المواقـف يجربهـا


تـدور المعـارك والجنايـز لهـا قـبـار
لهـا مـن يكفنهـا ويـركـز نصايبـهـا


حصل ماحصل والمبتـدي ماعليـه حيـار
وترى اللي تقـدم لحيتـه عنـد شاربهـا


وترا الشك ودى له رياجيـل يـم شهـار
تربـع بليـس بروسهـم ليـن خربـهـا


مع الدرب الأيمن رح وخل الشكوك يسـار
تراهـا بعيـدة عنـك وأنـتـه تقربـهـا


عطيناك بشـتٍ ماتخالـف بهـا الأنظـار
نقينا المشالـح ليـن جبنـا لـك أطيبهـا


وقبلت الهدية ثم مدري وش اللـي صـار
لقينـاك يـوم تصلـي العـيـد قالبـهـا


وأنـا ياعلـي مانـي مـراوغ ولا غـدار
أقـدر خويـي والمحابيـل مـا أنصبهـا


وأجنب عن الشينة ونفسـي لهـا مقـدار
مع الطيب تمشـي والـردا مـا يناسبهـا


وأنا ماني اللـي يعتـرض سكـة المـرار
أنا لـي طريـق وباقـي الطـرق أجنبهـا


أخل العرب وأسرارها ما أبحـث الأسـرار
أجنـب ولالـي فـي خطاهـا وصايبـهـا


أعرف أن لو أنه يطـق الحجـار حجـار
تقـوم السبـاع إلهـا سبـاعٍ تجاوبـهـا


وتصير القضية مسألة بحـث واستفسـار
وعلـى راس منشيهـا تعـود عواقبـهـا


وتراك انت راع الرمية اللي بـدون عيـار
طريقـة خطـا مـدري عليـه مصوبهـا


تبجح وتنظـر لـي بتصغيـر واستهتـار
كبيرة عليك ولا أعـرف ويـش واجبهـا


وتقول أنك انت الشاعر الماهـر البيطـار
جميـع المثايـل مفـردٍ فـي غرايبـهـا


وأنا خابر انك لـك بضايـع مـع التجـار
على كل سـوقٍ يشـري الزيـن تجلبهـا


وبالأسهم تساهـم بالجنيهـات والـدولار
مع أرقى البنوك اللي تضاعـف مكاسبهـا


وترى كل ديرة غيـر ديـرة بهـا خبـار
أهـل معرفـة بسباعهـا مـن ثعالبـهـا


وترى كل ديرة غيـر ديـرة بهـا صقـار
يعرف الصقور الرقش ويعـرف أرانبهـا


وأنا يوم سويت القصيـدة خبـر وانـذار
وأنا ما أحسب انك تشتبـه فـي مآربهـا


وتعبت وتعبنا والنتيجة مـا غيـر أصفـار
والأصفار بالأصفـار وشلـون نضربهـا


وأنا مسهمي ماهو بناقـص مـع الشعـار
أروض صعيـبـات المثـايـل وأرتبـهـا


وأسوق القوافي لين تمشي مـع المعبـار
كما سـوق هجـنٍ حنـوة العـود تدبهـا


على درب شيـخٍ كـل يـومٍ يصبـح دار
يسج النشيـط مـن النظـا ليـن يتعبهـا


وأجيب البيوت المفـردة وأتـرك التكـرار
نقيـض الفـوا رغ بنـدقـي ماتزهبـهـا


وأطب الفياض المخضرة واقطـف النـوار
اقـص الزهـور الناعمـة مـن ذوايبهـا


واطـب المـزارع واتنقـى مـن الأثمـار
أنقـي نبـات اثمارهـا مـن شوايبـهـا


وأغوص البحور اللي بها الحص والمحـار
وأخلـص عميلـي دينتـه قبـل يطلبهـا


وأعرف البضايع واعرف السوق والأسعار
واثمـن واقـدر سلعتـي قبـل أطببـهـا


وترى اللي سواك نشيمه شيمـة الخطـار
وفـاء والنفـوس الطيبـة ليـه نغضبهـا


لاكنا على اللـي فيـه زودة لغانـا حـار
مشاهيـب نـار مـن زمهريـر نجذبهـا


تواهج توهج شقر الأسياخ وسـط النـار
لـو انـا نمثنيـهـا صـفـاتٍ تذوبـهـا


وترى الشعر فتل ونقض ماهو بخبط أشجار
وترى الفرق بعقـول الرجـال ومواهبهـا


وترى الحكمة البلغة وبـاق الكـلام بخـار
يمـر الحلـوق الناشفـة مـا يرطبـهـا


والايـام والدنيـا تـرى مالهـا استقـرار
علـى نجومهـا تطلـع نجـومٍ تغيبـهـا


الأيـام تخفـي غيبـهـا والـزمـن دوار
بطش بالملـوك وحالهـا عـن مناصبهـا


على عروشها مثل النوادر علـى الأوكـار
وتصـف العساكـر بالطريـق لمواكبـهـا


تلاشوا مثل نبتٍ بـروض وطـاه عصـار
عواصـف ريـاحٍ طيـرت بـه هبايبهـا


نواعم غصونه طار فيهـا الهـوى التيـار
وبقايـا عروقـة جـارح السيـل سالبهـا


تعيـش الأوادم بالأمـل والعمـار قصـار
وراهـا محاسـب والله اللـي يحاسبـهـا


رجانـا وملجانـا هـو الواحـد القـهـار
ولـي العبـاد اللـي يحـقـق مطالبـهـا


وقرينا الكتاب اللي نزل لأولـي الأبصـار
بشيـر ونذيـر ولابـه آيــه نكذبـهـا


قرينـاه بالغنـة والأخـفـا وبالأظـهـار
وبالإدغـام واللـي بالحركـات نعربـهـا


وتبعنا طريق اللي كسـر شكوكـة الكفـار
ونقيـم الصـلاة الواجبـة مـع رواتبهـا


وتركت المجال لصاحبـي لجـل مايحتـار
تقصـرت ولـى لـو تقصيـت أشيبـهـا


وأنا خابر انـه صقـر ماياكـل الاسـوار
وطعام الصقـور الجارحـة مـن مخالبهـا


وتقبـل تحياتـي وهـذا اخـر المشـوار
قصيـدة جديـدة بـأزرق الحبـر كاتبهـا


قصيدة تشـره مابهـا شجـب واستنكـار
نظيفـه عفيفـة مابهـا مــا يعيبـهـا


على مبتداها من نسيـج الحريـر شعـار
وعلـى منتهاهـا العـود الأزرق يطيبهـا


وصلاة الله الباري علـى سيـد الأبـرار
شفيـع الخلايـق يـوم تكشـف حقايبهـا


نبيٍ أوحـي لـه بالرسالـة وهـو بالغـار
بها خصـه الله مـن عبـاده وفـاز ابهـا



الرجاء عدم الرد حتى الانتهاء من الديوان




فجر* غير متصل   رد مع اقتباس
قديم 23 / 03 / 2009, 02 : 07 PM   #3
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

يا بدر عيت لا تغمّـض عينـي
كنـه يلـوج بنونهـا سمـلـول

أعوم في وسط الضـلام لحالـي
في و حدةٍ منها يضيـق الجـول

و اضن بالدنيا و يخطـي ضنـي
سود الليالـي غيبهـن مجهـول

مغير ادير الفكـر فـي شيبانـي
ولا ادري بهم كيف الزمان يقول

أشوفهم عندي ولا هـم عنـدي
من دونهم طوق السراب يحـول

عود و عجـوزٍ سنهـم متقـدم
شالوا من أمراض الزمان حمول

عقب الطرب و العافية و القـوة
الشوف دانـي والقـدم مشلـول

عـودٍ تهقـواه العـدا و تعـود
زحلٍ تجنب عن نحـاه ازحـول

مقباس نارٍ مـا يهـاب الظلمـا
ياطا على الافعى بـدون نعـول

يكرم ضيوف الله و يكرم جـاره
دب الزمـان و منزلـه مدهـول

الله يعديهـم صـدوف الدنـيـا
و يفرش لهم وسط النعيم زلـول

أنا أدري أنه ما سوى الله باقـي
الـرب باقـي و العبـاد تـزول

لا بـد مـا منزالنـا ينـزل بـه
و حنا نزلنا فـي محـل انـزول

قدامنـا راع المثـل قـد قـالـه
ما عاد به شـيٍ مهـو مقيـول

قد قيل مثله بالزمـان الماضـي
نلبس من لباس الرجال اهمـول

و اليا بلانـا الله لنـا بمصيبـة
نقول ما جـاب الولـي مقبـول

و إن جت سوانا ما تشمتنا بـه
على نحيبـه مـا نـدق اطبـول

و ندعيله إن الله يزيـل همومـه
حيث الدعا هو ساري المفعـول

و ليا صمتنا الصمت راس الحكمة
و اليـا تكلمنـا نعـرف نقـول

و اليا استمعنا ما نطيع الغـاوي
معنا عقـول و ناخـذ المعقـول

الناس تقرأ الخط مـن عنوانـه
و العلم أشارة و الخبول خبـول

ما تفرق العوجا مـن المعتدلـه
مثـل البهايـم تـدرج المخيـول

و أشر مـا بالعالـم المتغطـرس
رجالته مـا غيـر شكـل و زول

من كبر نفسه في سلامـه منّـة
لو كـان لا تاجـر و لا مسئـول

من مد غيره يكبـرن خصومـه
البطن عيبه و الخصـوم عـدول

هرشٍ يشوط له و يزمي شطـه
يكبر سنامـه و الديـار محـول

و من صد عنا ما بحثنا أسـراره
ما نقتحـم بابـه وهـو مقفـول

و في غلطة الجاهل نشرف عاقل
حيث الخصام مع الغشيم يطـول

و اليا عصانا الامر فكرنـا بـه
و نعرف لصعبات الامور حلـول

و اليـا بركنـا للثقيـل نشيلـه
لو حملنا عـن غيرنـا مدبـول

و اليا عقدنا الحبل صعـبٍ حلـه
و نفتل حبال و ننقض المفتـول

يـا ناشـدٍ عنـا و منهـم حنـا
من كان يجهلنا هـو المجهـول

حنا هل الـوادي سلالـة عامـر
شبلٍ و عقب مـن وراه شبـول

واد الفرع مـن ضدنـا حامينـة
وواد الشفيـه مبـرك الـذلـول

و من منطقة جدة اليـا المدينـة
حامينها بالسيف عرض و طـول

الزير في و قـت اللـزوم ندنـه
و يجذب لنا الغايب بلا مرسـول

دون المدينة كـم نطحنـا دولـة
نحمى البلاد و مسجـد الرسـول

تاريخنـا كـل العـرب تقرابـه
و تدرس به الطلاب باسطنبـول

و ملنا لنجد و نجد مصدر فتنـة
ما فيه يـومٍ مـا تغيـر خيـول

ما طاح عنـد نحورهـن ياطنـه
بيضٍ نواصيهن و شهب ذيـول

ما فيـه لا رحمـة و لا ماويـة
اليا فرعـت نقاضـة المجـدول

و الحي يرجع و الصويب يداوى
و يحمى المنيع و يدفن المقتـول

ما فيه دارٍ مخضـره و مريفـة
الا لنـا فيهـا ضعـن و نـزول

ناقف لدكلات الحريب و نرسـي
كما ترسّـي بالبحـور أسطـول

انذوب الغـارة وننطـح غـارة
ولنـا بدقـلات الحريـب فعـول

و الضيف ما نبخل على ماجوبـه
نقريه لـو مـا جودنـا مقلـول

يا ما ذبحنـا مـن فتـاةٍ عاقـر
وحيلٍ و خرفـانٍ تقـال وعـول

أيـام يلقـى للبخـيـل مـبـرر
قـدام يطلـع بالخليـج حـقـول

غير المواشي مـا لنـا مصـادر
لا شجـرةٍ تثمـر و لا بتـرول

و اليوم ما هـذا لـذاك بحاجـة
فـي نعمـةٍ لعلهـا مـا تـزول

و ترى الهقاوي توصل المناوي
و رجلٍ بلا هقوة يديـه رجـول



درر اخرى :

سمعت لي كلمة مدري وش اقصاهـا
حزت بنفسي وأنـا مانيـب هارجهـا

لو كـل كلمـة إليـا جتنـا طردناهـا
بعنـا الثمينـة بسعـر مايخارجـهـا

لو مـرت السمـع ماكنـا سمعناهـا
ونقفـل الـراس عنهـا لا يبرمجهـا


ومـن يـم هـذا لهـذا مانقلنـاهـا
والناس واجد وتلقـى مـن يروجهـا

من جابهـا بيـن خلـق الله وداهـا
لو به مراجل تـرى نفسـه يسمجهـا

ومن عامل الناس في سابق خطاياهـا
يقعـد بـدارن خـلا مـاداج دايجهـا

في كنة تشـوي الجربـوع رمضاهـا
وتابس غصون الشجر من حر واهجها

والناس بالحق حكم الشيخ ما أرضاها
ماتقنع النـاس لـو انـك تحججهـا

ياللي تبـا الطيبـة خذهـا وعطناهـا
وخـل الطريفـة طريـة لا تثلجـهـا

وأقضب طريق الأوادم وامش ممشاها
أتبع دروب العـرب وأدرج مدارجهـا

وأرسـم لنفسـك حـدود ولا تعداهـا
من حط نفسه بدرب الضيق يحرجهـا

وان كان نفسك هواهـا قـام ينحاهـا
حط الأعنة بروس الخيـل وأسرجهـا

وفكـر بمنكافهـا قــدام مغـزاهـا
واضرب حساباتها وتشـوف ناتجهـا

وكل بعضده يمـوح الدلـو برشاهـا
وتلقى كبود الضوامي مـن يبرهجهـا

وان كان توك على صـدرك تهجاهـا
حنـا ترانـا نـدرس فـي مناهجهـا

مـن يـم مصباحهـا نبعـد معشاهـا
إلـى قعـد راعـي الضلـع يدرجهـا

لو هي صعيبة إلى انعاجـت عدلناهـا
واللي تجي مستقيمـة مـا نعروجهـا

نهتـم فـي وزنهـا وابـرام معناهـا
ومـن الكرستـال واللولـو نتوجهـا



مثـل الجواهـر ليـا منـا نضمناهـا
وسلوكها من جديد الـزري ننسجهـا

مخايـل ترتـدم والصـدر منشـاهـا
لا دك بالـبـال داكــوك يهيجـهـا

وليا أمطرت ضاقت الوديان في ماهـا
تاخذ إلى الحول ما يبسـت مدالجهـا

وان صدت الناس عنا ما أعترضناهـا
مـا تقفـي النـاس عنـا ونتولجهـا

وإن جاتنا الطيبـة بالطيـب زدناهـا
الطيبـة بالعسـل والسمـن نمزجهـا

وان جاتنا الثانيـة نصبـر ونرفاهـا
يمكن إليـا فـاق راعيهـا يعالجهـا

وان عادهـا عـودة ماعـاد ينساهـا
من حربة في صميم الصـدر نولجهـا

مسمومـة يبلـش الدكتـور بدواهـا
مايقنع الخبـل ليـن أنـه يلامجهـا



قصيده تعبر عن نفسها:



يا وجودي وجد مجروح الفـوادي


من هنوف ثوبهـا يجـرح نهدهـا



شافهـا بالملعبـة يـوم العيـادي


طشت الشيلة و ماحت في جعدهـا



كنهـا بالملعبـة صفـرا تـرادي


بالحبـال اللـي ملـواتٍ عقـدهـا



سمعت أصوات العزاوي والهنـادي


من عياطير السطر يطفـر زبدهـا



تحتري شيـخٍ يقـود ولا يقـادي


منكـفٍ بطماعـةٍ لحقـوا طردهـا



لحقوا الفرسان بظهـور الجيـادي


وكل راعي مهـرةٍ ركـب ولكدهـا



لابةٍ تقلـط علـى جمـع المعـادي


مير ربي عاقهـا وأطفـى سعدهـا



خيلهم يم الخـلا عقـب الطـرادي


ما تبقي مـا يبقـى مـن جهدهـا



روحت مثل النعام امـع الحمـادي


يوم سمعت صوت خيـالٍ رهدهـا



بنت شيخٍ مـا ينافـس بالشـدادي


كلمتـه كـل القبيـلـة تعتمـدهـا



ما تلد بعينها في شخـص عـادي


ولا يسود الغابة إلا حكـم أسدهـا



أتفق معها علـى غيـر الفسـادي


ايتزوجـهـا وياخـذهـا بيـدهـا



فوق خبرا جمعـت كـل البـوادي


كل من علـم بهـا شـد ووردهـا



سيلتها يـوم هـل قـران حـادي


مزنةٍ كبر القطـاة أصغـر بردهـا



وكل مدة قيضهم والوضـع هـادي


وأن حصل له فرصة جدد عهدهـا



لين قام الحـر ينقـص والبـرادي


يتزايد والمـزون أوحـم رعدهـا



ناحـرت لديارهـا قطـم التـوادي


أورحت ريح الحيـا يمـت بلدهـا



وأرسلوا عساس للعلـم الوكـادي


ثم جاهم فـي علـومٍ مـا بعدهـا



ما بعدها غير صوت اللـي ينـادي


وكل راعـي خيمـةٍ شلـع وتدهـا



وقربوا حمر الونيتـات الجـدادي


والبيوت السود طاروا في عمدهـا



أستخفـوا تقـل قافيهـم هجـادي


كل ما جو مصغـرٍ شالـوا ولدهـا



مالهم يـم الغنـم شـف ومـرادي


مـا شقـوا بنعيمهـا ولا نجدهـا



روحت قطعانهـم مثـل الجـرادي


تتعب الحساب ما يحصـي عددهـا



والهوى معروف شـيٍ لا إيـرادي


والنتيجة موسفة ما أحـدٍ حمدهـا



يتسرب مع حـلاه مـن المبـادي


سم حية والفـراق أمـر وأدهـى



لو صبر راع الهوى صبر المهادي


الجروح تبيـن لـو أنـه جحدهـا



أنطلق مع دربهـم حاديـه حـادي


وكل ما جاء نزلـةٍ مـر ونشدهـا



لين بـاد ولا لقـى علـمٍ وكـادي


باهت الأخبار عنهـم مـا وجدهـا



كنت غادي وأحسب المدّل غـادي


والنتيجة تنكشف لو طـال أمدهـا



كنت أغني مـع مغنـي يابـلادي


وأحسب أن اسمي مسجل في سندها



لين عرضت للمسـاوم والمـزادي


عكس ما جاء في كتاب اللي مهدها

الرجاء عدم الرد حتى الانتهاء من الديوان



فجر* غير متصل   رد مع اقتباس
قديم 23 / 03 / 2009, 18 : 07 PM   #4
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

عسى الخيال اللي بروقه لهـا ضـوح
يرخـي هماليـل الغشيـن القراحـي

على قرى ساحوق من فوق وطلـوح
و ريكات وذريـرة وهـاك المشاحـي

لو كان مالي فـي مراعيـه مصلـوح
لا نيـب لامـوده ولا نـي متـاحـي

متريحٍ مـن بيـن جـدران وسطـوح
مبطي مـن الثنتيـن خـالٍ مراحـي

لي صاحبٍ مملوح مع نـزل مسـروح
يلعب بقلبـي لعبـة مضيـم ضاحـي

وجدي عليها وجد من جـاه سامـوح
بنحـور قـومٍ يشهـرون السلاحـي

عنده ثـلاث أذواد ماهـن بشرشـوح
خلفاتهـن تسعيـن غيـر اللقـاحـي

إلى صعـق جنـه عرازيـل وطفـوح
تركي علـى راس الغـزال اللواحـي

وجاهن عقيـدٍ زاحهـن كلهـن زوح
وربعـه وراه يجمـعـون الطيـاحـي

و تخالفوا عنـد الطفـوح أم طلطـوح
أم الخراطيـم الـطّـوال الشنـاحـي

و أن صد قام الغيض يسقيه ذرنـوح
وإليا بغـى يفتكهـا ، مـن يناحـي ؟

وجاهم بدون شعور مع راس جـردوح
و رموه عطبيـن المرامـي وطاحـي

كد كنت عن روس المراقيب منصـوح
نصيحـةٍ مــا كلـلـت بالنجـاحـي

قام الحمام ينـوح فـي قمـة الـدوح
غنـى وأنـا نايـم وفزيـت صاحـي

أخذت لـي غطـه وصحانـي النـوح
وقعدت ألاحـي ليـن لاح الصباحـي

و عديت من روس المراقيب لحلـوح
لحلوح مـن روس المراقيـب فاحـي

مدملـجٍ ممسـوح جنبـه تقـل لـوح
مثل الزجـاج تمـوج عنـه الرياحـي

عديت بـه سالـم وحولـت مجـروح
وأنا أحسب أنه سلوتـي و انشراحـي

حولت في جرحيـن مغلـق ومفتـوح
وطعون شلفٍ مـن جميـع النواحـي

وشميت لي ريحٍ خطيرٍ علـى الـروح
ريحـان والريحـان سـمٍ ذحـاحـي

لاكـان كاننـي تشافيـت مسـمـوح
وإن مت جعلك مـن ذنوبـي مباحـي

إلا أن حبك تقضيـة وقـت ومـزوح
قلها على المكشوف وأطلـق سراحـي

ما يشبع الجيعان مـن ريحـة الفـوح
ولا يزي الضميان شـوف الضحاحـي

لا زم تبين لي عن الحـب منضـوح
مـا بالخفـى خيـر البيـاح البياحـي

أما أنتظر وإلا أنسحـب عنـك وأروح
وأنته تروح وجعـل دربـك سماحـي

و راسك من الشرهات بالسمن ممسوح
واللي طونّـه بيـض الأيـام راحـي




ابداع اخر::



جل من يعلم عن اللي تخفيـه الصـدور
الكريـم اللـي شظايـا العظـام يلمهـا

قالوا ان الحق موجود قلت الحق نـور
والرجال اللي مع الحـق انـا ماذمهـا

مير شفت الحق ناقص وبالبطل مخشور
بين ناس من الخلايق وانـا ماأعمهـا

عقب مارزيت الاعلام في روس القصور
جالهـا سيـلٍ يطـم الجبـال وطمهـا

مالها غير انت يالحر يالسيـف البتـور
وانت ابوها ياطويـل الـذراع وسمهـا

وانت ابو فيصل ليا صمل العلم مخبـور
القريبـة والبعيـدة نـظـرك يزمـهـا

في طريق القافلة سكروا بـاب العبـور
وانت بشتك يدخـل المستجيـر بكمهـا

عودوا من دونها اللي يخوضون البحور
كل ماواقوا علـى البيـر هابـو جمهـا

وادخلت في غابةٍ وسطها ريحة نمـور
والنمور يعيفها الذيـب حيـث يشمهـا


واعترضها من دفنها مع اللي فالقبـور
وان نشدته قال لا عـاد تنقـل همهـا

قلت ما انسى همها قال انا نفس الشعور
مير لو طالت وعرضتع ترانـي عمهـا



أنت ربي جاب لك صقر ماهو بالصقور
الجزيلـة يعترضهـا ويسفـك دمـهـا

واخطرت في خاطري كلمةٍقامـت تـدور
أسمها عنـد القحاطيـن ياويـل أمهـا


لا يوهمك التغطرس ويعميـك الغـرور
تحسب انك حولها وانت منـت بيمهـا

أنت طير يمسك الريش وتطير الطيـور
بالهوى يفرد كفوفـه ونـوب يضمهـا







هذه قصيدة قالها عند ما قال له أحد أصدقاءه أنا عندي
قصايد لو تسمعها يا عبد الله ما قصدت
فقال أبن زويبن ردا عليه :


ياعلي قـول ولا لـواردك ملطـوم
ياراعـي الخرمـة حديـد البقومـي

عندي علوم وخابـر عنـدك علـوم
وتبـي تعلمنـي وتاخـذ علـومـي

لا كن انا ماني رفيـق لـك اليـوم
أنـا رفيـق للشقـاء والهمـومـي

البارحـة واليـوم ماجانـي النـوم
بيني وبينه مثـل حـرب النجومـي

سهران طول الليل لا أرقد ولا أقـوم
أقالـب الجنبيـن تقـل محمـومـي

وأن نمت صحاني من النوم جاثـوم
اللـي يصحـي غارقيـن الحلومـي

الله على اللي مقدمـه تقـل مبـروم
شد الوكالـه مـا ببديـه هشومـي

ماجِيب عـن السمكرييـن مصـدوم
ولا قيل هـو مسيـوم ولا نسومـي

مقـوس الصـدام وجنوطـه كـروم
فكسار منـوة كـل راعـي لزومـي

ما قص له لوحات بحروف وأرقـوم
إلا سند جمـرك بدفـع الرسومـي

إلى مشى بالخـط ولخـط مزحـوم
يروج مثل السيـل بيـن العقومـي

بالوصف كنه فـارس يمنـع القـوم
يرخي العنان ولا يحـزم الكمومـي

فـارس وشيـخٍ للمغاويـر زيـزوم
قـدام شيخـان العبـي والختومـي

اللي بكفه رمـح مسقـى ومسمـوم
شيخٍ من الدوشـان وإلا الفرومـي

وإلى أعترض خطه لشعبان وحـزوم
يشبـه لسبـاحٍ يغـوص ويعومـي

أبيه عن دارٍ بهـا الصـدر مكتـوم
يبعد مسايـه قبـل أمـزع هدومـي

لأرضٍ يساقيها من الشبـط ديمـوم
ومن أول الوسمي عليهـا قدومـي

فياض وجبالٍ لهـن طـور ورجـوم
ملس المراقي مكنعـات الخشومـي

ما فقست بلجوفهـن بيضـة البـوم
مرفا الحرار مخاشـرات السهومـي

ماكنـي إلا عايـشٍ دايـم الــدوم
إلـى رقيـت مناطحـات الغيومـي

أرتاح وألقى متعـة الطيـر بالحـوم
يوم الهوى ينفض شماغي وتومـي

وياعلي أنا قبلك عن الشعر أبا أصوم
زينه وشينـه مبعـدٍ عنـه حومـي

وش عاد ابا بالشعر والشعر مظلـوم
وإلى سمعت النـاس ردوا عزومـي

اللي ليا سمعـوا شريـط أم كلثـوم
من الطرب كـل ٍ يطـق البهومـي

هيضتني يا ذخر من يذبـح الكـوم
في ساعةٍ فيهـا البخيـل مهزومـي

يقلط وهو كنه على الوجـه مرثـوم
يطيح وجهه مـع وجيـه الرخومـي

وأصل البخيل خمام معطى ومحـروم
وكفه ليا جـات اللـزوم محزومـي

والنـاس بالأفعـال فايـز ومذمـوم
وإلى النواصي ما عليهـا وسومـي

وأنته مع أهل الطيب لك حظ وقسوم
وعن الردى في كل حال محشومـي

لك مسهمٍ بالطيب ما هـوب مثلـوم
ياطيب الرفقـة شريـف السلومـي

وتم الكلام اللي من الـراس منظـوم
وعسى حياتـك يازميلـي تدومـي

وإن مت جعلك من سنا النار معصوم
في جاه غفـار الذنـوب الرحومـي



وابداع اخر:





تعبـت واتعبـت فكـري فـي تفاكيـره


اللـي لهـا داع واللـي مالهـا داعــي



اللـي لهـا فـي جليـل الملـك تذكيـره


في تالـي الليـل يـوم النـاس هجاعـي



من ضاع له شي لـو كثـرت تحاسيـره


كد قيل مايحيـي الميـت بكـاء الناعـي



يامـل قلـب ٍ تقـل فـي داخلـه نيـره


مافيـه عـرقٍ متيـن وغـض ماماعـي



امسـى مثـل وادي ٍ خضـراء نواويـره


واصبـح مثـل واديٍ مافيـه مربـاعـي



حطيتنـي يازمـان الغـدر فـي حـيـره


ضيعتنـي بيـن مدخـالـي ومطـلاعـي



الهـم دقيـت فـي كـبـدي مسامـيـره


سـم الافاعـي تجرعـنـي تجـراعـي



الغيـب لـغـز ولا يعـلـم بتفسـيـره


ياكود مـن ترقـد العالـم وهـو واعـي



الملـك بيديـن راع المـلـك تدبـيـره


مايملكـه لاملـك دولــه ولا راعــي



ربي وانا ارجيه ماارجـي واحـدٍ غيـره


هو الذي في يـده تحسيـن الاوضاعـي



يالعبد لـو طـرت مالـك عـن مقاديـره


اليـا نـوى شـي مالـه عنـه مناعـي



لو تشلق الثـوب مـن ذيلـه لازاريـره


والا تقطـع مـن الفـرحـة تقطـاعـي



الوقـت لابـد لـه ضحكـة وتكشـيـره


متـعـرضٍ للتقـلـب والتـزعـزاعـي



اسري مع الليل مـن ديـرة الـى ديـره


والليا اصبح الصبح ضعت وضاع مرماعي



ألعـب بشعـر النبـط وأوزن معايـيـره


وزن الذهـب بيـن متسـوق وبيـاعـي



والصعب ماهو عليـه صعـب تصخيـره


الليـا بغيتـه يطيـع يصيـر مطواعـي



واليوم كثـروا علـى الساحـه مغاويـره


كـلٍ ركـب لـه جـواد وجـاك فزاعـي



مافيـه عـدٍ يعرفـون العـرب بـيـره


الا بجنبـه ثمانـيـن الــف نبـاعـي



وكـل لحالـه تصفـق لـه جماهـيـره


ياكثر صفق الكفـوف وطـق الاصباعـي



لو يابـس السـدر ماعاشـت عصافيـره


تصرعـت قبـل مايـابـس تصـراعـي



كـلٍ يقيَـم وقــدرة مـثـل تقـديـره


الحـج لله واجــر الـحـج للسـاعـي



وكـل يحاسـب علـى مبلـغ فواتـيـره


والخـام باليـاردة والكيـل بالصـاعـي



لـو البضايـع تبـاع بـدون تسعـيـره


مايمـرح الفقـر فـي مخبـاة طماعـي





الرجاء عدم الرد حتى الانتهاء من الديوان


التعديل الأخير تم بواسطة فجر* ; 23 / 03 / 2009 الساعة 21 : 07 PM
فجر* غير متصل   رد مع اقتباس
قديم 23 / 03 / 2009, 00 : 08 PM   #5
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

بدينا بذكـر اللـي يلبـي نـدا الطـلاب
جميـع الخلايـق حاكـم روح حاكمـهـا


غنـي ملـي كـل مـن يطلبـه ماخـاب
رقيـب عظيـم كـل الاحـوال يعلمـهـا


غفـور لزلـة عبـده المذنـب التـواب
بدينـا ابـذكـره والمثـايـل إنظمـهـا


ولفيناك من بعد المسافة يابـن طلحـاب
طوينا السهـال اللـي وسـاع خرايمهـا


على اللي الليا منه تسند سنـود عقـاب
خفوق الجنـاح بحومـة الجـو يقسمهـا


سنوده سنوده وإن تنكس نزول شهـاب
نـزل مـن مقـره للشياطيـن يرجمهـا


سنا نار شكمانه مثـل شعلـة المشهـاب
تكـرّه معاصيـر الشـمـال بنسايمـهـا


نبي المنزل اللي له على كل شارع بـاب
نبـي ننتخـي باللـي ركونـه مقومهـا


على العز والنوماس والمرجلة لو غـاب
تسيـر الامـور بخطـة قبـل راسمهـا


زبون السمان اللي رفع حدهـا الجـلاب
لهـا عـام كامـل والمربـي يضرمهـا


على شان يكسب والمراجل لهـا كسـاب
علـى وجـه راعيهـا تبيّـن معالمهـا


نشدنا وزادونا العرب بك فخر وإعجـاب
جميـع المراجـل يالعتيـبـي مليّمـهـا


وجودك فخر وإسمك فخر للرتب والكـاب
وعطيت الوظيفة حقهـا ماانـت ظالمهـا


نبي منك فزعـة ياولـد مـورد الهيـاب
زبـون الثبـار الليـا تثنـت قوايمـهـا


ترى الطيب طمعة وانت صقر على مرقاب
عديم الليـا ادلـى بالمخاليـب يلحمهـا


عديم الليا اهوى باللحم يدفـن المخـلاب
سلايـل صقـور ماتـردى عزايمـهـا


هل المنسب الطيّب الليا عـدوا الانسـاب
واعـز العوايـد والمكـارم مكارمـهـا


واهل لطمة العايل واقرو بهـا الاجنـاب
واهل ذبحة الحايـل الليـا بـان لازمهـا


وهل الصبر بالشدة الليا قلـت الاطبـاب
والارواح جلبـت والمنايـا تساومـهـا


لهم وقفة بين اشهب الملـح والملهـاب
تحت صلو شمس ٍ يفطر الظهر صايمهـا


بها الخيـل تلعـب بارسنتهـا بلاركـاب
تبـارى عرايـا مالهـا مـن يلجمـهـا


تبث بحوافرهـا علـى الطيبيـن تـراب
وعليهم نسور الجـو حامـت حوايمهـا


نبي منك تعميد الليا اصدرت فيه خطـاب
يزيـل العوايـق والحواجـز يهدمـهـا


لو إن الامور صعاب ماهي عليك صعـاب
تفـل الحبـال المبرمـة ثـم تبرمـهـا


ترى كل دلـو ٍ فاحيـة تتعـب الجـذاب
تحيـزم لهـا كـل الرجـال بعمايمـهـا


تحيزم لها واحسب لكل الامـور حسـاب
ترى منت من ناس ٍ تراخـى محازمهـا


وترى فاعل الحسنة نهار الحساب يثـاب
وأخيـر الرجـال اللـي بدربـه يقدمهـا


تزيل الذنوب وتدفـع الشـر والاسبـاب
وتصـد المنيـة قبـل ماينفتـح فمـهـا


والايام لو تضحك ترى ضحكهـا كـذاب
تصنع تصنـع وانـت واعـي وفاهمهـا


تغنـج تغنـج خفـرة سحرهـا جـذاب
تجمـل وتضحـك والمخاليـق توهمهـا


وتطـوي تطـوي حيـة سمهـا بالنـاب
على عضـة الغافـل تلحـس براطمهـا


تصنع تصنـع وامنهـا مالـه استتـاب
عسى الله من اللي يفعل الطيب يحرمهـا


وصلاة على اللي فاز في غزوة الاحـزاب
الاحـزاب شتتهـا والاصنـام حطمـهـا


رسول وقف قدم الخلايق على المحـراب
تبرى عقب مـاادى الرسالـة وعممهـا


وسلام مثل وبل الحيا الممطـر السكـاب
به اخر بيـوت مـن القصيـدة نختمهـا


بها مطلب غالي وكلمـة وفـا واعـراب
عـن امجـاد نـاس طيبـات قدايمـهـا


حملهـا صبـي بالنيابـة عـن الشيـاب
على شان قد قيل اصغر القـوم خادمهـا


وانا لو مطلبـي ماتهيـا مانـي سبـاب
عن السب أحسـب بالقبايـل وأشيمهـا





وطعم اخر للابداع مع هذه القصيده:



عديت راس الطويـل المطلـي
اللي يوصف في دجى الليل لونه


عن الرجوم النايفـه مستقلـي
ترفا الحرار اوكارها في ركونـه


عيني على العالي واحب التعلي
والطيب عالي والنشامى يبونـه


وغنيت يوم ان الغنا عاده لـي
اضبط معاييره واخفف لحونـه


من خزنه ماهيب تجـره مقلـي
تاجر وعندي للرمايـه مرونـه


ارمي اليا شفت الهدف بينا لـي
رميه ذريفاً بندقه مـن عيونـه


اليا خطم للصيد جـاب المجلـي
عجلً قطرها والنظر ما يخونـه


ولي صاحباً مـدري وش اللـي
خلاه من يمـي تغيـر ظنونـه


اليا عزمته مـا شـرف محلـي
واليا بحثته في نقاشه خشونـه


وازريت من راع الغوج والتغلي
اما امدحه والا عطانـي متونـه


خلـه يولـي والمولـي مولـي
ما ينفع البايد لونـك تصونـه


مهف غرباً ما رجع يـوم دلـي
في راس حبلً ذايبـاتً منونـه


ابطا يلولح بالهوى يـوم تلـي
الغرب بأقصى البير و الجم دونه


ومهف طرشً عند الاجناب خلي
متكانفينـه بأربعيـن معنونـه


لقوه وسـط المضامـي مفلـي
ما حال دونه من يعقـد ردونـه


ماني مطيعك يا رفيـق التسلـي
دور خروفاً تسحبه في قرونـه





ورائعه اخرى:


الصدق كله والوفاء والمعـا ريـف


والطيب والإخلاص بيـن وخافـي



ما الله محا سبني أليا قلت بمنيـف


ولا هو لاحقني من النـاس قافـي



في مجلسه تلقى النشامى هل الكيف


أهل الشكالـه والقلـوب النظافـي



يبطح كبار الحيل فوق المناسيـف


ويفرش عليهن من شحمهن لحافي



ترحيبتن احلا من حليب المعاطيف


اليا جابه الحـلاب حالـي ودافـي



في فيضتن ماد لو ستها الاظاليـف


ينـج ماهـا مالمسهـا الجفـافـي



تحت سماها لام سالـم غطاريـف


مثل غطاريـف النسـاء بالزفافـي



بأول ربيع لاحقـن تالـي الريـف


على الحجاز ونجد والصلب ضافـي



متشابك نبته من السيـف للسيـف


يوم الزمن ما هو على البدو جافي



من بينهم تلقى القصص والسواليف


ومثايل اللي يصخـرون القوافـي



المبدعيـن الناقديـن الشواحيـف


اللـي يخلـون الرديـه عيـافـي



أمثالهم من رؤوس الأزهار تقطيف


منالزهـر ماهـو سماليـل سافـي



ابن سبيل وبـن لعبـون وحنيـف


وعبيد والقاضي وصقر النصافـي



ولاني مفضلهم على كـل حريـف


وانا اعترف بالحق مانـي جحافـي



كثرالتعب مهمـا بلـغ والتكاليـف


ماتمنـع الـي للمراجـل مشافـي



الي مثل شرواك راعـي مواقيـف


ودك تدسـه مثـل ماقـال لافــي



وردتني عدا الياشلهـب الصيـف


وجى بالكبود من السمايـم نشافـي



من واهجه عوج الدناقير بالقيـف


تنهج نهج الـي قصـاه الهرافـي



ماحولو فـي قاعتـه بالمغاريـف


يصـدر الـوراد والجـم صـافـي



دايم على الطيب تـدوم العجاريـف


يشعاه للنومـاس مثـل الشعافـي



يرقى طلوع لنابيـات المشاريـف


اليا مدح شـواش ون قـال يافـي



ابن لويحق فيـه ماهـو ببتزييـف


مدحي وفيـه اقصـور ماهوبكافـي



ولحقتني شرهه ابعض التصاريـف


وأنـا مثبـت غلطتـي باعترافـي



نشدتني وانـا كشفـت المظاريـف


والواجب انـي ماكشفـت الغلافـي



وردت عدا مـاه مجـراه تنطيـف


مسقاه نضـح ولا لجمـه مرافـي



عسى الروايح والبروق الرفاريـف


عـن التجاهـه ياخـذا انحرافـي



حطيت له في صفحة المجد تعريف


يرمي شماغه من صداه السنافـي



من مرته واعي تمره مع الطيـف


يهيم فيها اللـي بالاحـلام غافـي



منظومتـن ممليتـن بالزخاريـف


لاكنـهـا ماوفـقـت بالمـلافـي



قطعت لـه متراميـات الاطـاريـف


جرد السهـال ونازحـات الفيافـي



وفي هفوته بين الرجال العواريـف


ماوحيت بين اثنين فيـه اختلافـي



بغيت اهمشها وعكس التواصيـف


ورديتهاىقـدام تصـل الاشـافـي



خليتهاللي يعشون ضيف الهذاليـف


حم الذراء يـوم الليالـي عجافـي



وليا تعلـم ضامـرات السراجيـف


قلب العدو منهـم يجيـه رتجافـي



وخويهـم مايلحقـنـه تخالـيـف


سمحيـن دمثيـن كرامـن لطافـي



ون صادفنه في حماهم صواديـف


دونه يروق من السيوف الرهافـي



رجالهم ما يجتـري قـول ياحيـف


دون الخوي يرمي ثيـاب العوافـي



قصة نويشي صدق ماهي بتزييـف


بثر خويـه رجـع الكيـل وافـي



سته وخاله قص يمنـاه بالسيـف


والصدق مثل الشمس ماله منافـي




عبدالله بن زويبن الحربي:


الله يباشر خبـة النقـع بالسيـل
من المزون اللـي حقـوق ٍ هللها


عسى عليها كـل ليلـة هماليـل
عقب المحل . . لين يتشابك نفلها


ياما أذبح فيها من الحشو والحيل
بمخيمات ٍ تكرم الضيـف أهلهـا


وياماسطع فيها شعـاع القناديـل
عنها غياهيـب الظـلام يعزلهـا


عشرين ليله كن مالله خلق ليـل
أضواء ونيران ٍ تشاعـل كتلهـا


كل القبيلة دون شرح وتفاصيـل
ماغاب غايبهـا بكامـل خصلهـا


تكاتفـوا بالمهرجـان الرياجيـل
كل ٍ حضر وأقصى جهوده بذلهـا


وسدم طريق اللي يدور مداخيـل
وكل القبايل فـي نجاحـه ذهلهـا


وحرب ٍ هل الامجاد جيل ٍ بعد جيل
لهـم فعـول ٍ غيرهـم مافعلهـا


موثقه من دون إضافـه وتعديـل
ومن لايسنـد حجتـه ماعدلهـا


فعل الوسيدي صدق ماهو بتمثيل
دون الخوي روحه تسبب بأجلهـا


والقبع خاله قص يمنـاه تنكيـل
وستة نفوس بحد سيفـه قتلهـا


وحجرف ذلوله يوم جوه الهواشيل
قام ونحرهـا للضيـوف ونجلهـا


والليا تعلم ضمر الجيش والخيـل
كـم قطنـة ٍ ماخـلـوا إلا حللها


وفعولهم ماهي ماغير المصاويـل
حتى العجم خاضوا معارك دولهـا


واليوم توه قـام حـظ الوبابيـل
كل ٍ عرض ذوده عقب ماسملهـا


في عدها المطلوب غير المخاليـل
خمسين متن وكـل ذود بفحلهـا


كله بسبة ثالث الجـدي وسهيـل
أبن دليم اللـي بجهـده صقلهـا


عبدالله اللي ذلل الصعـب تذليـل
يوم أوثقت بـه لابتـه ماخذلهـا


شق الطريق وطنش القول والقيل
تمـره العوجـا وتمشـي قبلهـا


من كل جانب كلل الجهـد تكليـل
لين الأمور اللي يبيهـا وصلهـا



فجر* غير متصل   رد مع اقتباس
قديم 23 / 03 / 2009, 01 : 08 PM   #6
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

ياراكب اللي مسيره يقطـع البيـدي
مصخـر البعـد قطـاع المسافاتـي


سود الخطوط الطويلات السراميـدي
وحمر السهال العراض المستطيلاتـي


والصعب والبعد ماهو صعب وبعيـدي
على عريض الرفـارف والكفراتـي


الفجر يمشي من العارض بتحديـدي
يوم أدبح الليـل ونجومـه مطلاتـي


مع خط عرعر وأمره وأقطعه سيـدي
متوجه ٍ غرب مـع خـط القرياتـي


حيث أن فيها رفيق شوفتـه عيـدي
يوم الفـرح والتهانـي والمسراتـي


قدمي يمدد زلـول التـرك تمديـدي
ويمدلـي بالطريـق عقـود لمباتـي


وعودٍ على الجمـر ودلالٍ بغاديـدي
واذنـاب حيـل متـانٍ مستديراتـي


جلبن على السوق من حزم الجلاميدي
مع شايبٍ فيهـن أنظـاره بعيداتـي


من بيض الايام في وجهه تجاعيـدي
ومجرب السوق واسلوب اللكاعاتـي


حنـا جلاليـب ماحنـا شحاحـيـدي
والسوم هذا ترى ماهو ثمـن شاتـي


مير ابعدوا يالطماميـع الحواسيـدي
يجينـي الجـزل ذبـاح الجزيلاتـي


اللـي يحقـق طموحـات الاواليـدي
الاسم نااايـف ومجـده بالمنيفاتـي


متجودٍ في حبـال المجـد تجويـدي
لو مامعه مـال وظروفـه صعيباتـي


والطيب له في جسد راعيه تجسيـدي
ماهو مزاج يجي ويـروح صدفاتـي


الليا بغى المرجلة خـض المواريـدي
وإن صابه البخل لاراحـت ولاجاتـي


لو إن في جيّتـه مالـي مقاصيـدي
الا المحبـة وتجـديـد العلاقـاتـي


ولـو العلاقـات ماتحتـاج تجديـدي
لكـن نبيهـا تـبـادل للزيـاراتـي


قطع العلاقات واخـلاف المواعيـدي
ماهو بطبعـه وانـا ماهـي بعاداتـي


وإن حل وقت اللزوم بكـل تأكيـدي
يشره عليّه وانـا تاطـاه شرهاتـي


يقوم في لازمي مـن دون ترديـدي
ولاهي غريبه على رجـل المهماتـي


وانا الليا جا لزومـه عنـه ماحيـدي
الا اذا صـار مالـي فيـه لقـواتـي


محدٍ يحقق لـزوم صعـب ومكيـدي
الصعب يدخـل بحكـم المستحيلاتـي


يامن عزومي تقوّى فيـه وتزيـدي
حتى بنظـم القوافـي زدت هقواتـي


إن رحت عند العرب تفخر باناشيدي
وإن جيتني قلت ويـش المستجداتـي


أكثرت والله يبـو ناهـس بتمجيـدي
ركزت لـي فالجبـال الشـم راياتـي


وهـذي تراهـا عوايـد للأجاويـدي
اهل الوفـا والشهامـة والمرواتـي


وأن كان للناس عـادات وتقاليـدي
مكـارم تربـط الحاضـر بمافـاتـي


ويجيلها من يزيـد البنـي تشييـدي
تورث وتبقى مـع الحييـن حياتـي


ورثـت عـود تعـداه المناقـيـدي
عنـد الجماعـه موازينـه ثقيلاتـي


هرش يدنـي لصعبـات المجاليـدي
لو أنها اكبر من طعوس الشعيباتـي


والليا غطى الجو دخـان البواريـدي
يحط له في صفوف القـوم فجواتـي


ألحق خويه علـى فـج العماريـدي
في موقف يصعبـن بـه الخياراتـي


إن راح له روحة من دون تعويـدي
والا تعـرض شماتـة كـل شماتـي


واللي بجسمه ثنعش من العباريـدي
ومن لا كتب له من الله موت ماماتي


وشهادة الحـق تنطقهـا المواليـدي
قبـل الاحاديـث موجـودة بالاياتـي





وقصيده في الجيب:


الليا رزقنا الله نبي نشتـري جيـب
آخر موديل .. اللي تحنه عن اللمس

مافيه لاطقـه .. ولافيـه تهريـب
وصوته مثل صوت المناجاة والهمس

لكن متـى مايسـره عالـم الغيـب
وإلا السفر ماعاد نطريـه بالجمـس

خفنا وخوفنـا وشفنـا بـه الريـب
عقب الطريق اللي عطيناه قبل أمس

ولولا مديلـه راح مابـه عذاريـب
بَوش ولونه كد تغير مـن الشمـس

والوقت بَيـد ناطحيـن المواجيـب
اللي يغمسون اللحى بالدسم غمـس

مروية علـط السيـوف المحاديـب
من مقدم السلة إلى مقبض الخمـس

ماباقي إلا ذكرهم مـع هـل الطيـب
باقي وهم بالمجتمع مالهـم رمـس

باموالهم ماورثـوا عقبهـم صيـب
قضوا وهم حيين بالطبخ والحمـس





أقدم لكم فيما يلي آخر ماكتب الشاعر عبدالله بن زويبن
في حفل الدواسر
بعد تلقيه دعوة رسمية لهذا الحفل الضخم ..
وكانت قبيلة الدواسر قد أنتهت من إعتاق رقبة أحد ابناءها
بدية وصلت الى خمسين مليون ريال ..
وجاءت هذه القصيدة متوافقة مع الحدث :


سلـم تسليـم ٍ كثـر مـال قـارون


مـن الذهـب والماشيـة والعمولـه



تسليم ٍ أحلى من ثمر كـل عرجـون


ليا جابه الخراف .. ينقـل سطولـه



على الرجال اللي للأمثـال يصغـون


ولي الشـرف قدامهـم يـوم أقولـه



ياللي بصعبـات المواقـف تبينـون


الصعـب مايصعـب عليكـم حلولـه



للمجد والنوماس والطيـب تسعـون


والصعب مايصعب عليكـم وصولـه



عن الهقـاوي بالمواقـف تزيـدون


ليـا وقفتـم فـي مواقـف بطولـه



واليا ألتزمتم بالمواعيـد .. توفـون


ماأنتم بأهل هوزه .. وروزه .. وفوله



مثل الجمال الليـا بركتـم تشيلـون


لـو خصمكـم زود عليكـم حمولـه



سقتم لراع الحق ( خمسين مليون )


بأفريقيا .. تصرف لها شعب دولـه



واللي يضاهيكـم بالأفعـال مجنـون


لو هو طويل ذراع .. كساب طولـه



نظراتكـم لـو إن مانظـرتـه دون


وراه .. مد الشوف ماهـي بحولـه



رجالكم لـو هـو محـدد ومسجـون


والبـاب دونـه مزلجـاة ٍ قفـولـه



الحكم جاري بيـن دايـن ومديـون


علـى كتـاب الله وسنـة رسـولـه



الليا ذكركم بعد مـن كـون الكـون


لو أن نجد تضيق .. ماضاق جولـه



وأنتم على عتقه من العـام تسعـون


وحليتم الموضوع .. ماحـال حولـه



تكفون يالحضار .. تكفـون تكفـون


( علمان ) قومـوا كلكـم صفقولـه



وتكفـون يالشعـار ممـا تكـنـون


داخـل محيـط صدوركـم فصلولـه



من الوفا بشت ٍ لهـا جيـب وردون


وثوب ٍ من النوماس عرضه وطولـه



قولو وأبو دغش وراء اللي تقولـون


محصل الثنتيـن ( ديـن ورجولـه )



له موقـف ٍ ماياقفـه كـل دنـدون


ورجله من الوقفـات ماهـي ملولـه



وأنتـم بذلتـم كـل ماتستطيـعـون


ماتذخـرون اللـي يديكـم تنـولـه



في نجد قبل أخوان نـوره يحكمـون


وكل ٍ لحرب إعـداه يسـرج خيولـه



منكـم قوييـن المهابـه يهـابـون


ليا من زير الحـرب دقـت طبولـه



دواسر ٍ في ساعة الضيـق تثنـون


برمـح دون اللـي تثنـت ذلـولـه



دواسر ٍ فـي لـوذة الـزاد تقـرون


الليا خاط ( كنـاز النوايـا ) عدولـه



دواسر ٍ بالموقف الصعـب ترسـون


الليا زمـا جمـع المعـادي زمولـه



دواسـر ٍ فـوق السبايـا يغيـرون


لهم مـع الأجنـاب صولـه وجولـه



دواسر ٍ من خيل الأجنـاب يحـذون


المفلـس اللـي راس مالـه نعولـه



دواسـر ٍ فـي جارهـم مايخونـون


وإن صارت الميله عليـه إفزعولـه



دواسـر ٍ بثـر الخـوي مايـراوون


لو إن خصمـه مـن نماهـا نقولـه



وختامهـا ماغـرد الطيـر بلحـون


صلوا على اللي مـا بدربـه ميولـه


وهذه اخر قصيده:
ا


يا صاحبي عمرت لك بين الأضلاع
مترامـي الأطـراف قصـرٍ وسيعيـي


وقـدام بابـه جبـت للـورد زراع
ورد البلـد والقحـويـان الطبيـعـي


وجذبت له من شاطي النيـل نبـاع
حلـوٍ مصفـى مـن ثلـوجٍ تميـعـي


وحطيـت بالقـاع تسعيـن دفـاع
يجاذبنـه لأجـل يـاصـل سريـعـي


لو إن عقلي صايبه منـك زعـزاع
وحطيت عقلي مثـل عقـل الرضيعـي


فارس وسيفـك بالمحبيـن قضـاع
أنا اشهد إنـك مثـل عنتـر شجيعـي


من يوم شفتك حارت الرجل بالقـاع
وقدمك رفعـت يـدي مثـل المنيعـي


والقلب معك وفدو تلك ليـا ضـاع
تصرفـي بـه واشتـري بـه وبيعـي


لو ضاع والله مايجي فيـه شفـاع
أنـا ولـي أمـره ولأمـرك مطيـعـي


أما أنت يالمجمول يفداك من بـاع
والله مابيعـك وأنـت زهـرة ربيعـي


يابو جبينٍ بالدجى لـه تشعشـاع
ومجـدلاتٍ مـثـل ذيــل الطليـعـي


على الرجا وايقت لك كل الاريـاع
ومن السبـاع أرسلـت يمـك سبيعـي


جاني يقول إن الأمل والرجا ضاع
موضوعهـا بيديـن عــودٍ لكيـعـي


من يوم وكد مطلبي طق الاصبـاع
لانت ابن عـم ولا مضالـك صنيعـي


جيته بكيل من الهواجيس بالصاع
بظـلال منسـوج الشقـاق الوسيعـي


بيتٍ كحيلي من عديمات الأنـواع
ومبـطـنٍ بعويـرجـات الوشيـعـي


ومحتضـنٍ نجـرٍ يلعلـع تلعـلاع
نوبٍ يجـي صوتـه ونـوبٍ يضيعـي


وبيضٍ مصنعهـن بغـداد صنـاع
كسـاب رغبـات المـزاج الفضيعـي


نوبٍ سواليفـه يـداون الأوجـاع
ولسانـه اذرب مـن شبـاة الوريعـي


ونوبٍ يجيه مـن اللوافيـع لفـاع
يسـج سجـات الحزيـن الفجيـعـي


لو تزهمه ماهو للأصوات سمـاع
كنـه متابـع لـه جـهـازٍ يذيـعـي


ومشيت من عنده وان منه مرتاع
وأرتـل آيـات الكـريـم السميـعـي


مير الأمل ما ضاع ياوافي البـاع
مـادام عيـن الله عليـنـا جميـعـي


اليـا أمـر مايمنعـه كـل منـاع
اللـي بعـث فينـا نبـيـه شفيـعـي


وماني لمن يبدي لي الرأي منصاع
رأيـي معـي مانـي للاريـا سميعـي


والبيت له بيبان مدخـل مطـلاع
ولاينقـز الجـدران غيـر الصديعـي







تم بحمد الله

والشكر للشاعر القدير عبدالرحمن بن بديع صاحب الفكره

والشكر لكم على تشريفكم

ودمتم بحفظ المولى..

فجر* غير متصل   رد مع اقتباس
قديم 23 / 03 / 2009, 13 : 08 PM   #7
خادم ابوه
عضو شرف
 
الصورة الرمزية خادم ابوه
 
تاريخ التسجيل: 29 / 01 / 2008
الدولة: الريـــــــــــــــاض
المشاركات: 3,696
معدل تقييم المستوى: 10
خادم ابوه is on a distinguished road
معلوماتي ومن مواضيعي
رقم العضوية : 3950
عدد المشاركات : 3,696
بمعدل : 1.48 يوميا
عدد المواضيع : 172
عدد الردود : 3524
الجنس : الجنس : ذكر
الدولة : الدولة : saudi arabia

ابدااااع ابدااااع ابدااااع صح الله السانه انا اشهد انه جزل
وتسلم اياديك اختي فجر على هذا الجهد الجبار
وهذه الذااااائقه ديواااان قمه وموضوع يستحق التقييم

__________________
خادم ابوه غير متصل   رد مع اقتباس
قديم 23 / 03 / 2009, 44 : 09 PM   #8
عبدالرحمن بن بديع
شـاعر
 
الصورة الرمزية عبدالرحمن بن بديع
 
تاريخ التسجيل: 01 / 04 / 2007
المشاركات: 5,912
معدل تقييم المستوى: 13
عبدالرحمن بن بديع is on a distinguished road
بسم الله ماشالله

كثير ماسمعنا لقب شاااعر امام اسماء كثيره ولكن الاسماء المستحقه لهذا اللقب قليله جدآ في هذا الوقت وهم عبدالله بن زويبن وامثاله من حكام القاف شعراء الجزاله ملوك الشاعريه . من الظلم ان يبقى بن زويبن شاعر فقط ويكون هذاك الذي يصفصف الكلمات المقفاه بدون اجاده وبدون شاعريه فذه شاعرآ ايضآ بل يصل بالبعض ان يسمي الآخر نجم

النجم والشاعر والعملاق هو عبدالله بن زويبن وامثاله
- ابحرت كثيرآ مع قصايده وسأكون هنا يوميآ اقرا واعيد واتمتع لاني وجدت شعرآ اصيلآ نقيآ قويآ


فجر .. قدمتي لنا بهذا الديوان هديه قيمه لن ينسااه محبي الشعر الحقيقي في هذا الموقع من زوار واعضاء .. ولا نستغرب هذا الوفاء منك انتي المبدعه المتألقه في جميع مواضيعك و الصادقه والوفيه لهذا الموقع انتي مكسب لنا وعملة رابحه لموقعنا(( مجالس الاوفياء من كل القبائل والبلدان )
كل الشكر والتقدير والاحترام لشخصك

وهذا الموضوع يستحق التقييم والتثبيت

__________________
كل الشكر من الاعماق لصاحب التوقيع

للتـواصـل
عبدالرحمن بن بديع غير متصل   رد مع اقتباس
قديم 23 / 03 / 2009, 02 : 10 PM   #9
حـــــلا
●• أَتعْ ـبّنيِ غْ ـلاَهـَ •●
 
الصورة الرمزية حـــــلا
 
تاريخ التسجيل: 17 / 11 / 2008
الدولة: •● A ●•
المشاركات: 1,769
معدل تقييم المستوى: 8
حـــــلا will become famous soon enough
معلوماتي ومن مواضيعي
رقم العضوية : 5192
عدد المشاركات : 1,769
بمعدل : 0.81 يوميا
عدد المواضيع : 255
عدد الردود : 1514
الجنس : الجنس : ذكر
الدولة : الدولة : saudi arabia

Icon14



تسلمين يالغلااا على هذا الانتقاء الذي يبين لنا
ماهو الشعر الحقيقي ..
دائمـــا متــمـيزة ..

اختيار راقي وطرح جميل ..
دمتي بصحــه وعافيه ..

__________________
لَسْتُ مجبورهـ أَن أَفهِم
الآخَرين مَن أنآ .!
فَمَن يَمْتَلِكُ مُؤهِلاتْ
{العَقْلْ وَالإحْسآس}
سَأكُون أمَآمَهُ..
كـ الكِتَآب المَفْتُوح..
وَعَلَيْه الإسْتِيعابْ ..!
حلا الشهري ..!!

حـــــلا غير متصل   رد مع اقتباس
قديم 23 / 03 / 2009, 06 : 10 PM   #10
عبدالله علي الحتارشة
عــضــو شــرف
 
الصورة الرمزية عبدالله علي الحتارشة
 
تاريخ التسجيل: 20 / 03 / 2008
الدولة: [رَحَّ ـــالٌ فِيْ غُرْبَةِ اْلتِرْحَ ــالِ..]
العمر: 31
المشاركات: 9,873
معدل تقييم المستوى: 16
عبدالله علي الحتارشة will become famous soon enough
معلوماتي ومن مواضيعي
رقم العضوية : 4125
عدد المشاركات : 9,873
بمعدل : 4.05 يوميا
عدد المواضيع : 607
عدد الردود : 9266
الجنس : الجنس : ذكر
الدولة : الدولة : saudi arabia


مـجـمـوع الأوسـمـة: 3

التواصل

الإتقان

الإدارة



فجر تسلم يمين جمعت كل هذي الدرر الشعريه


وصح لسان الشعر

وحقاً هذا الشعر

__________________
: [
عبدالله علي الحتارشة غير متصل   رد مع اقتباس
قديم 24 / 03 / 2009, 31 : 01 AM   #11
قلب أدمنته الجراح
 
الصورة الرمزية قلب أدمنته الجراح
 
تاريخ التسجيل: 14 / 07 / 2008
المشاركات: 1,185
معدل تقييم المستوى: 8
قلب أدمنته الجراح is on a distinguished road
معلوماتي ومن مواضيعي
رقم العضوية : 4632
عدد المشاركات : 1,185
بمعدل : 0.51 يوميا
عدد المواضيع : 38
عدد الردود : 1147
الجنس : الجنس : ذكر
الدولة : الدولة : saudi arabia

ماشاء الله عليكم

صدق رااااااااااااااااائعة في جمع القصااااااااااااائد

تسلم ايدك

__________________
سقى الله يوم أنا طفله أنام ولا أحدا ً قدي
ولا أحاتي هموم اليوم ولاأنطر أمل بكره
همومي لعبتي ضاعت وعندي هالزمن وردي
كبرت وزادت همومي وهمي صار وش كبره
قلب أدمنته الجراح غير متصل   رد مع اقتباس
قديم 24 / 03 / 2009, 57 : 02 AM   #12
بـــــدر
عضو
 
الصورة الرمزية بـــــدر
 
تاريخ التسجيل: 07 / 08 / 2007
المشاركات: 5,313
معدل تقييم المستوى: 13
بـــــدر is on a distinguished road
معلوماتي ومن مواضيعي
رقم العضوية : 3058
عدد المشاركات : 5,313
بمعدل : 1.99 يوميا
عدد المواضيع : 54
عدد الردود : 5259
الجنس : الجنس : ذكر
الدولة : الدولة : saudi arabia

الله عليك يابن زويبن .. اشهد شهادة حق انه جزل الى اخر حدود الجزاله ..
فجر
انتي هُنا لم تضعي ديوان شعري فقط .. انما وضعتي بين ايدينا صندوق ملئ بالمجوهرات من لؤلؤ والماس وذهب خالص وكما قال في احد ابياته ...

قصايد ٍ من سمعهـا نالـت إعجابـه
مصنوعة من ذهـب ماهـي بمطليـه


وبالفعل هي مصنوعة ومصوغة بالذهب وليست مطليه يذهب بريقها مع عوامل التعريه ..

ومن اراد ان يقراء القصيد الجزل بمعناه الحقيقي قليبحث في هذا الصندوق المأسي ..

لله درك يا عبدالله بن زويبن ..
ولله درك يافجر على طرح هذا ولكِ مني ومن جميع اعضاء مجالس شهران الشكر الجزيل لما تقدمينه لمجالس شهران العريضه اللتي تفتخر بوجودك بها ..
إقبلي اجمل التحايا واعبقها

__________________
f4f4_8@hotmail.com
بـــــدر غير متصل   رد مع اقتباس
قديم 24 / 03 / 2009, 57 : 03 AM   #13
فهد بن جازي
 
الصورة الرمزية فهد بن جازي
لك كل الشكر اختي فجر على جمع الديوان للشاعر العلم ابن زويبن واشهدنه من كبار شعار الجزيره
ويكفيني فخر ان ابن زويبن ابن عمي

فهد بن جازي غير متصل   رد مع اقتباس
قديم 24 / 03 / 2009, 27 : 05 AM   #14
ملكة الليل
 
الصورة الرمزية ملكة الليل
مشاء الله تبارك الله ديوان ليس كسائر غيره من الدواويين

لأنه جمع شاعرية شاعر لا يكرره التاريخ أذعنت له القاف

وافترشت له جناحيها لينتقي من جمال ريشها اقوى المعاني

وتسرج له فحل الجزايل حتى صعد به الى قمة أعلام الشعر

فجر جهد جبار جبار تستحقين عليه كل عبارات الثناء

تنسيق وترابط عناوين فاق الحدود لجمالها

دمتي أيتها المتميزة دومآ

__________________

ربي أغفر لي ولوالدي وارحمهما كما ربياني صغبر
ملكة الليل غير متصل   رد مع اقتباس
قديم 24 / 03 / 2009, 52 : 09 AM   #15
سعيد الخذامي
<img src=
 
الصورة الرمزية سعيد الخذامي
فجر

نجمة رائعه عندما تأتي

وخير دليل على صحة كلامي هذا هو هذا الديوان الرائع

الذي أسعدني كثيرا واسعد محبي الشعر الشعبي

فألف شكر لكي ياصاحبة الجهود الرائعه في مجالس شهران


ويعلم الله بأن أفتخر بوجود فتاه بهذه العقليه الرائعه

فصح إلسانك وإلسان أبن زويبن

وعز الله أننا نفتقد لمثل هذه الأطروحات المميزه

وفي الأونه الأخيره ألاحظ إهمال كبير تجاه هذا الموروث الشعبي

وارى في مجالسنا إتجاه كبير نحنوا الأستراحه وترك الأمور المهمه

والله يحفظك ويرعاك

__________________
سعيد الخذامي غير متصل   رد مع اقتباس
قديم 24 / 03 / 2009, 53 : 03 PM   #16
القناص
عضو شرف
 
الصورة الرمزية القناص
 
تاريخ التسجيل: 23 / 06 / 2007
المشاركات: 5,309
معدل تقييم المستوى: 13
القناص is on a distinguished road
معلوماتي ومن مواضيعي
رقم العضوية : 2898
عدد المشاركات : 5,309
بمعدل : 1.96 يوميا
عدد المواضيع : 572
عدد الردود : 4737
الجنس : الجنس : ذكر
الدولة : الدولة : saudi arabia


مـجـمـوع الأوسـمـة: 1

التميز



تسلم يمناك يافـــجــــر

على الجهد الجبار الذي تبذلينه 00


وأبن زويبن شاعر معرووف وله من

القايد الجزله كثير وصح لسانه 00


لاعـــدمناك والابداعاك


تقبلي تحياتي





__________________
عن الردى نفسي رفعتها فـوق*** ودرب المصالح مامشيته بصغري

وراسي رفعته ماحنيته لمخلـوق***وياللي يبي ذلي انا اقول بدري
القناص غير متصل   رد مع اقتباس
قديم 24 / 03 / 2009, 28 : 10 PM   #17
فهد بن جازي
 
الصورة الرمزية فهد بن جازي
ياجماعه ترا لقاء ابن زويبن يوم الاربعاء 28/3/1430 على قناة المرقاب وهو اول لقاء تلفزيوني في تمام الساعه الـ9 مساء

فهد بن جازي غير متصل   رد مع اقتباس
قديم 01 / 04 / 2009, 12 : 01 PM   #18
هواي البر
مراقب سابق
 
الصورة الرمزية هواي البر
الله من قلـب الليـا منـه ادلـج
لو هو بجو فيـه للنـاس صجـه

يدوي مثل مايدوي الطير بالعـج
مع خايع ماينـدرى ويـن فجـه

ماينتبه للـي ينـادي ليـا سـج
والليا انتبه كن الشباري تخجـه

الله عليك يابن زويبن صح لسانك

وبيض الله وجه من جمع ديوانك ليمتع بها محبينك

__________________

:::
هواي البر غير متصل   رد مع اقتباس
قديم 01 / 04 / 2009, 21 : 02 PM   #19
فهد الغربيشا
 
الصورة الرمزية فهد الغربيشا
 
تاريخ التسجيل: 18 / 04 / 2008
المشاركات: 1,277
معدل تقييم المستوى: 8
فهد الغربيشا is on a distinguished road
معلوماتي ومن مواضيعي
رقم العضوية : 4257
عدد المشاركات : 1,277
بمعدل : 0.53 يوميا
عدد المواضيع : 71
عدد الردود : 1206
الجنس : الجنس : ذكر
الدولة : الدولة : saudi arabia

فجر أبدعت في طرح هذا الديوان الرائع


شاعر كبير وجزل بيض الله وجهه

__________________


FAHOODE99@HOTMAIL.COM
فهد الغربيشا غير متصل   رد مع اقتباس
قديم 03 / 06 / 2009, 05 : 09 PM   #20
فجر*
عضو
 
الصورة الرمزية فجر*
 
تاريخ التسجيل: 18 / 10 / 2008
الدولة: بينـ قفصيـهـ
المشاركات: 4,713
معدل تقييم المستوى: 11
فجر* will become famous soon enough
معلوماتي ومن مواضيعي
رقم العضوية : 5027
عدد المشاركات : 4,713
بمعدل : 2.12 يوميا
عدد المواضيع : 119
عدد الردود : 4594
الجنس : الجنس : ذكر
الدولة : الدولة : saudi arabia

هلابك اخوي خادم ابوه

الله يسلمك يارب

اسعدني مرورك وكلامك وتقييمك
الله يعطيك الف عافيه
ورودي..


فجر* غير متصل   رد مع اقتباس
 
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~


الساعة الآن 08 : 08 PM.


Powered by vBulletin™
Copyright © vBulletin Solutions, Inc. All rights reserved.
الحقوق محفوظة لـمجالس شهران العريضة ومن نقل عنها مطالب بذكرها كمرجع للمعلومة
 

جميع مايشار له بالحصرية في الموقع سواء مقاطع أو صور أو مواضيع أو قصائد ويتم نقلها أو اقتباسها من الموقع سيتعرض للمسائلة القانونية .