بن بديع في زواج ابن مانع بن شلحااط

**الداهشي** · 07 / 03 / 2011, 27 : 06 PM

في حفل زواج ابن الشاعر مانع بن شلحاط

وكانت قصيدة في محتواها تعبر عن العلاقة الحميمة

التي تجمع بين الأب مانع والابن عبدالرحمن

ولو كانا في سن واحد لقلت أخوان من الدم والحم

أخوان يجمعهم الصداقة الحميمة التي يدور فيها الإخلاص

والحب والوفاء أقوى من دوران الدم في العروق

وحينما ألقاء القصيدة الشاعر عبدالرحمن بن بديع

سقطت دمعة مانع بن شلحاط وقام برمي عمامته ليس مدخل

وإنماء وصف وردة فعل للحدث

ولكم هذه الآبيات الجزلة والعاطفية في العلاقة الجوهرية

فــي حفـلـةِ طيبـهـا مـــن طـيــب راعـيـهـا
كــــلآ كــفــى ربــعـــه وعــلّـــم ابــمـــاروده

واهــل الشـعـر دعـيـت وزهـمـت بساميـهـا
وكـــلآ يـعـبـر حــســب عــرفــه ومـجـهــوده

طـمـوحـنــا ذائــقـــات الـشــعــر نـرضـيــهــا
بالـحـبـك والـسـبــك والـتـجـديـد والــجــوده

نـقــنــع هـــــل الــــــذوق ولا لاانـاشـيــهــا
الله ولاوقـــفــــةِ مــــاهــــي بــمــحــمــوده

والـشـاعـر الــلــي يخمـخـمـهـا ويخـطـيـهـا
مـخـطـي . ويـاكـبـر مـشـروهــه ومـنـقــوده

قـدمــه رجـاجـيــل تـصـغــي لــــه بـذانـيـهـا
مـاهــي بلـحـيـة يـابـابـا عــنــدك إنــشــوده

وفـي ديــرةِ جـعـل غـيـث الـمـزن يسقيـهـا
ينـشـي عليـهـا السـحـاب وتـرعـد ارعـــوده

يـطــرق علـيـهـا هـــوى الـغـربـي ويـذريـهــا
ويشمل عليها السحاب اللي على السوده

حـتــى يـغــذي قـــرى الـعـجـمـان واديــهــا
الـديــره الـلــي بـذكــر الـطـيـب مـشـهـوده

ديـــــرة رجـاجــيــل حـاضــرهــا ومـاضـيـهــا
عـريـضـةِ فـــي كـتــاب الـمـجــد مــرصــوده

عــلــط الاســنــه عــيــال عـجـيــم تـرويـهــا
كم صادمـت زحـف جيـش ودكـت احشـوده

والــيـــوم اكــســـر تـراحـيــبــي واثـنـيــهــا
نفحـاتـهـا الـمـسـك واليـشـمـوم والــعــوده

فــي محـفـل اخــوي وابــن اخـــوي بـديـهـا
واعــيــد تـكـرارهــا لـــــو كـــــان مـعــيــوده

وانـــــــا ومـــانــــع صـداقــتــنــا يــغــذيــهــا
دمـــــي ودمـــــه ومــاجـــودي ومـــاجـــوده

بـنـيـت عـلــى طــيــب وارفـعـنــا مبـانـيـهـا
لين اصبحت بيـن اهـل بيشـه واهـل جـوده

بنيـت عـلـى مصطـلـح ابـشـر وهــاك ايـاهـا
مـاهـي عـلــى مصـطـلـح هـيّــن ومـــردوده

عــلاقــة ِفــــوق فـــــوق ونـفـتـخــر فـيــهــا
مــاهـــي عـــلاقـــات يــوحــنــا بــشــنــوده

دم الأخـــــا والــوفـــا والــصـــدق حـاديــهــا
وعـلـى الـريـا والـــردى مـاهـيـب مـحــدوده

مـواقــفــه مـــوكـــده مـــانـــي بـنـاسـيـهــا
ومـوقـفــي مــعـــه مـاتـنـســى ومــاكـــوده

ومكاسـر الطيـب فـي ابـن زريـق ماحصيـهـا
الله يـشـهـد عــلــي واصـحـابــه اشــهــوده

لأصــحــاب يــعــرف مـواجـعـهـا ويـشـفـيـهـا
ويـاكــم سـجـيـن ِ نــخــاه وحــــرر اقــيــوده

يـشـيـل نـفـسـه عـلــى كــفــه ويصـخـيـهـا
تـقــول مــاكــن نـفـســه عــنــه مـنـشــوده

لــو خـزنـت الراجـحـي عـنـده عـبـث فـيـهـا
عـاقـل ولـكـن يسـمـى غـيــر مـــن جـــوده

وشــاعــر وعِــريِـــف يـاخــذهــا ويـعـطـيـهـا
وخيـر ٍعلـى خيـر واهــل الخـيـر محـسـوده

حــاجــات فــــي ذمــتـــي لابـــــد ابـريــهــا
مــادام سـاعـات عـمـر الشـخـص مـعــدوده

والــعــذر يـالـربــع فــــي اولــهــا وتـالـيـهـا
ولاهـــي الـكـافـيـه مــنــي ولــــي عــــوده

**ناصر الكودي** · 07 / 03 / 2011, 12 : 07 PM

أبو هادي سلمت يمناك على هذا النقل الرائع ولك جزيل الشكر
وصح لسان أبو محمد ولاهي غريبة عليك

**شـنـار شـهـران** · 07 / 03 / 2011, 32 : 07 PM

الداهشي
بيض الله وجهك ويستاهلون العجمان المدح ولاهو غريب من ابن بديع الالمام بالشعر والسبك والحبك

**الداهشي** · 08 / 03 / 2011, 50 : 06 AM

ناصر الكودي لاهنت ياذيبااان على هذا المرور المميز

تقديري لك

**فارس المجد** · 08 / 03 / 2011, 19 : 07 AM

صح إلساان إبن إبديع

وبيض ألله وجهك على النقل

جزيل الشكر والتقديرلك

**الواهبي** · 08 / 03 / 2011, 21 : 08 AM

يالبي قبك يالبحيح اشهد إنك تجمل اللي انت منهم..
ابن الشلحاط وابن بديع بينهم مزارق طيب وعلوم تنومس والقصيدة حوت بعضها..

الشلحاط يستاهل وابو محمد وافي

شكرا لك يالداهشي وللجميع فائق الود والاحترام